मुंबई : मुंबईच्या (Mumbai) कुर्ला भागातील एक चार मजली इमारत आज मंगळवारी (ता.२८) पहाटे कोसळली आहे. अग्निशामक दल आणि एनडीआरएफ पथकाने घटनास्थळी धाव घेतली आहे. त्यांच्याकडून बचावाचे कार्य सुरुच आहे. बृहन्मुंबई महानगरपालिकेने ढिगाऱ्या खाली अडकलेल्या ७ लोकांना वाचवले आहे. त्यांना कोणत्याही प्रकारची इजा झालेली नाही. (Four Storey Building Collapses Kurla Area Of Mumbai)

साधारपण २० ते २५ जण ढिगाऱ्या खाली अडकले असण्याची शक्यता वर्तवली जात आहे. अग्निशामक दल आणि एनडीआरएफकडून बचाव कार्य सुरु आहे. राज्याचे पर्यंटन मंत्री आदित्य ठाकरे (Aditya Thackeray) यांनी घटनास्थळी भेट दिली आहे. ते म्हणाले, पाच ते सात लोकांना वाचवण्यात आले. सर्व चार मजली इमारतींना नोटिसा बजावण्यात आल्या आहेत. मात्र लोकांचे तेथे राहतच आहेत.

आमचा अग्रक्रम आहे, की सर्वांना वाचवणे, असे मंत्री आदित्य ठाकरे यांनी प्रसारमाध्यमांशी बोलताना सांगितले. किती जण इमारतीच्या ढिगाऱ्याखाली अडकले आहेत, याबाबत अद्याप खात्री नसल्याचे एनडीआरएफचे डेप्टी कमांडंट आशिष कुमार यांनी सांगितले.