मुंबई - खार येथील हिंदुजा रुग्णालयातील ६ व्या मजल्यावर एचयू रुम मध्ये सोमवारी सायंकाळी ५.५४ वाजता आग लागली. अग्निशमन दलाला घटनेची माहिती मिळताच घटनास्थळी धाव घेत आगीवर नियंत्रण मिळवल्याने मोठा अनर्थ टळला. दरम्यान, आगीचे नेमके कारण समजू शकलेले नाही. अग्निशमन दलाचे अधिकारी पुढील तपास करीत आहेत.

खार पश्चिम येथील तळ अधिक ११ मजली हिंदुजा रुग्णालय आहे. या रुग्णालयाच्या ६ व्या एचयू रुम मध्ये सोमवारी सायंकाळी आग लागली. अग्निशमन दलाला घटनेची माहिती मिळताच घटनास्थळी धाव घेत ६.०३ मिनिटांनी आगीवर नियंत्रण मिळवले.