मुंबई : यंदा राज्यात मान्सून लवकर दाखल झाला असला तरी पावसाचा जोर म्हणावा तसा वाढलेला नाही. गेल्या आठवड्यात राज्यासह मुंबईत पावसाची जोरदार एन्ट्री झाली. मात्र, या आठवड्यात पावसाने दडी मारली. मुंबईकरांना दमदार पावसासाठी जुलै महिन्याच्या पहिल्या आठवड्यापर्यंत वाट पाहावी लागेल, असा अंदाज हवामान खात्याने व्यक्त केला आहे.
पावसाने खंड दिल्याने आणि दमट हवामानामुळे मुंबईत कमालीची आर्द्रता वाढली आहे. आणि याच वाढत्या आर्द्रतेमुळे मुंबईकर घामाघूम होत आहे. कोकणासह पश्चिम महाराष्ट्रात पावसाचे दमदार आगमन झाले असले तरी मुंबईत पाहिजे तितका पाऊस झालेला नाही. मुंबईच्या विविध भागांत रात्री आणि पहाटे पावसाच्या मध्यम स्वरूपाच्या पावसाच्या सरी पडून जातात.
मुंबईत पावसाचे आगमन वेळेत झाले, पण नंतर त्यात मोठा खंड पडला. त्यामुळे हवेतील आर्द्रता वाढत आहे. ही आर्द्रता 90 टक्क्यांपर्यंत पोहचली आहे. त्यामुळे दिवसा तापमान 30 ते 35 अंश सेल्सिअस जरी असल्याने उकाडा असह्य होत आहे. वाढते तापमान आणि आर्द्रतेमुळे मुंबईकर घामाघूम होत आहे, अशी माहिती हवामान खात्याचे उपमहासंचालक डॉ. कृष्णानंद होसाळीकर यांनी दिली.
येत्या 24 तासांत मुंबईत ढगाळ वातावरण राहणार असून पावसाच्या तुरळक ते मध्यम सरी पडण्याची शक्यता हवामान विभागाने वर्तवली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.