मुंबई ः महाराष्ट्रातील कोरोना रुग्ण एक लाखावर गेले आहेत. त्याचवेळी मुंबईतील कोरोना बाधितांची संख्या जूनअखेर एक लाखापेक्षा जास्त असेल अशी भिती व्यक्त होत आहे. कोरोना रुग्ण बरे होण्याचे प्रमाण चांगले असल्याने जूनअखेर एक लाख लोकांवर उपचार सुरु नसेल, असे वैद्यकीय तज्ज्ञांचे मत आहे.

मुंबईतील बातम्या वाचण्यासाठी येथे क्लिक करा

मुंबईतील रुग्ण वाढत आहेत, पण त्यात मोठ्या प्रमाणावर वाढ झालेली नाही. त्यामुळे या महिनाअखेर मुंबईतील एकूण कोरोना रुग्ण 75 ते 80 हजार असू शकतील. मात्र काही वरिष्ठ आधिकाऱ्यांनी एकंदर रुग्ण संख्या एक लाख झाली तरी प्रत्यक्षात उपचार  जास्तीत जास्त पन्नास हजार बाधिंतावर सुरु असतील असे सांगितले.

महानगरीतील उपचारांची गरज असलेले रुग्ण मोठ्या प्रमाणावर वाढले तर सध्याच्या अतिदक्षता विभाग, ऑक्सिजन बेड, व्हँटिलेटर युनिटमध्ये वाढ करावी लागेल. सध्या मुंबईतील अतिदक्षता विभागातील 99 टक्के तर व्हँटिलेंटर युनिट क्षमतेच्या 95 टक्के उपयोग होत आहे, महापालिकेतील आधिकाऱ्यांनी यापूर्वीच ही क्षमता वाढवण्यासाठी विचार केला आहे. आयसीयू तसेच ऑक्सीजन बेडची संख्या वाढवण्यासाठी खाजगी तसेच मुंबईतील लहान रुग्णालयांची मदत घेतली जाणार आहे. अतिरीक्त व्हँटिलेटरची आवश्यकता भासणार आहे.  

मुंबईकरांनो सज्ज राहा! आज मुंबईत तुफान पाऊस होण्याची शक्यता

मुंबईतील कोरोना रुग्ण जूनअखेर किती असतील हे समजण्यासाठी काही दिवस प्रतिक्षा करावी लागणार आहे. आपल्याला रुग्ण वाढीचा ट्रेंड जूनच्या तिसऱ्या आठवड्यात कसा आहे, यावरुन नेमका अंदाज बांधता येईल, असेही काही आधिकाऱ्यांचे मत आहे. दरम्यान, पावसाळा सुरु झाला आहे. या परिस्थितीत मुंबईतील दाटीवाटीच्या विभागात मलेरिया, डेंगी, टायफाईडची साथ येऊ शकेल. कोरोनाची साथ असताना याचे आव्हान जास्त खडतर असेल असे सांगितले जात आहे.