मुंबई, ता. 12ः लाॅकडाऊन मधील कालावधीमध्ये नागरीकांची गर्दी टाळण्यासाठी डिलीवरी बाॅयच्या सहाय्याने  गुरूवार (ता.14) पासून घरपोच मद्यविक्री सुरू करण्यात येणार होती. मात्र, मद्य विक्रेत्यांना डिलीवरी बाॅयची नियुक्ती आणि त्यांची वैद्यकीय तपासणी करून उत्पादन शुल्क विभागाकडून ओळख पत्र देण्यासाठी एक दिवसाची मुभा दिली आहे. त्यामूळे शुक्रवार (ता.15) पासून घरपोच मद्य विक्रीच्या आदेशाची अंमलबजावणी करण्यात येणार आहे.

आर्थिक राजधानी मुंबईसाठी वेगळं पॅकेज जाहीर करा...शिवसेना खासदार संजय राऊत यांची केंद्र सरकारकडे मागणी.... 

राज्यात शासनाने महाराष्ट्र दारू बंदी अधिनयम 1949 च्या कलम 139 अंतर्गत होम डिलीवरी आॅफ लिकर विक्रीला मंगळवारी (ता.12)परवानगी दिली आहे. यामध्ये देशी वगळता भारतीय बनावटीचे विदेशी मद्य, बियर, सोम्य मद्य, वाईन ची सेवा घरपोच मिळणार आहे. त्यासाठी मद्य विक्रेत्यांच्या मोबाईल क्रमांकावर फोनद्वारे मद्याची मागणी करता येणार आहे. 

एका दुकानदाराला सुमारे 10 डिलीवरी बाॅय नियुक्त करता येणार आहे. घरपोच मद्य विक्रीची सेवा फक्त मद्य परवाना धारकांनाच मिळणार आहे. ज्यांच्याकडे हा परवाना नाही त्यांनी https://stateexcise.maharashtra.gov.in किंवा https://exciseservices.mahaonline.gov.in या वेब साईटवरून ऑनलाईन मद्य परवाना मिळवता येणार आहे.

स्थानिक पातळीवर जिल्हाधिकाऱ्यांनी निश्चित करून दिलेल्या वेळेतच ही घरपोच मद्य विक्री करता येणार असून,चंद्रपुर , गडचिरोली, या कोरड्या जिल्ह्यासाठी व वर्धा जिल्ह्यातील परवाना धारकांसाठी हे आदेश लागू नसणार आहे. 

'या' काही शेअर्समध्ये उद्धव ठाकरे यांनी गुंतवले आहेत आपले पैसे...

असे असतील नियम

• ज्या जिल्ह्यात मद्य विक्री सुरू आहे. तेथील  कंटेन्मेंन्ट झोन वगळून घरपोच मद्यविक्री सेवा देता येईल
• विदेशी मद्य, बियर, वाईन हेच मद्य घरपोच पोहचवता येणार देशी घरपोच मिळणार नाही.
• मद्याची मागणी नोंदविण्यासाठी परवाना धारक व्हाट्स अप, मॅसेज, मोबाईल, टेलीफोन यांचा वापर करू शकनार
• मद्य विक्रेत्याने दुकानाबाहेर आपला मोबाईल नंबर ठळक अक्षरात लिहावा, तसेच पर्यायी माध्यमाद्वारे घरपोच मद्य विक्रीची सुविधा द्यावी
• ग्राहकांच्या मागणीपेक्षा अधिक मद्य वाहतूक करता येणार नाही, तर कोणत्याही परिस्थितीत 24 युनीट पेक्षा जास्त मद्याची वाहतूक करता येणार नाही.
• घरपोच मद्य सेवा देतांना दुकानदार आणि वाहतूक करणारा आणि परवानाधारक यांच्यातील वाद झाल्यास त्यासाठी शासन अथवा राज्य उत्पादन शुल्क विभाग जबाबदार राहणार नाही

घरपोच मद्यविक्रीत अतिरीक्त वाढ नाही
घरपोच मद्यविक्रीची सेवा देतांना डिलीवरी बाॅयने ग्राहकांकडून कॅश किंवा डेबीट, क्रेडीट कार्डने स्वाईप मशिनच्या माध्यमातून पैसे घेता येणार आहे. तर यामध्ये छापील किरकोळ विक्री किंमत एमआरपी किंमत घेणेच बंधनकारक आहे. घरपोच मद्यसेवेसाठी कोणतेही अतिरीक्त शुल्क किंवा सेवा शुल्क आकारण्यात येऊ नये

डिलीवरी बाॅयसाठी बंधनकारक नियम

• नोदणीकृत डाॅक्टरांकडून वैद्यकीय तपासणी करावी, वैधकीय दृष्ट्या सक्षम असावा,तसे प्रमाणपत्र प्राप्त करून त्यांनी प्रमाणपत्र सोबत बाळगावे
• असे वैद्यकीय प्रमाणपत्र धारकास ओळखपत्र देण्यात येईल
• डिलीवरीबाॅयने मास्क, हेडकॅप, हॅन्डग्लोज, वापरणे बंधनकारक राहील
• डिलीवरी बाॅयने निर्जंतुकीकरणासाठी हॅन्डसॅनीटायझरचा वापर करने बंधंनकारक राहील
• दुकानदारांकडून डिलीवरी बाॅयचे वेळोवेळी थर्मल स्क्रिंनीक करने बंधंनकारक राहील,
• कामगारांचे शारीरीक तापमान मर्यादेपेक्षा जास्त आढळून आल्यास त्यांचे ओखळपत्र काढून घेत, त्याची वैद्यकीय तपासनी करून, आवश्यक वैद्यकीय सुविधा देण्यात मदत करावी

implementation online ordering and home delivery of liquor will start form 15th may