मुंबई : आंतरराष्ट्रीय बॉडिबिल्डर मनोज पाटील (Body builder Manoj Patil) यांना आत्महत्येस प्रवृत्त (suicide in force) केल्याचा आरोप असलेल्या प्रकरणात अभिनेता साहिल खानला (Sahil Khan) आज मुंबई उच्च न्यायालयाने (Mumbai High court) सशर्त अटकपूर्व जामीन मंजूर (Granted pre arrest bail) केला. पाटील यांना साहिलने आत्महत्येसाठी प्रवृत्त केले, असे प्रथमदर्शनी आढळत नाही, असे निरिक्षण न्या नितीन सांब्रे यांनी व्यक्त केले आहे. साहीलला पंचवीस हजार रुपयांचा जामीन मंजूर केला असून तपासात सहकार्य करण्याचे आदेश दिले आहेत.

सोशल मीडियावर झालेल्या ट्रोलिंगमुळे पाटील यांनी आत्महत्येचा प्रयत्न केला होता. मात्र वेळीच उपचार मिळाल्यामुळे पाटील यांचा जीव बचावला होता. साहिल आणि पाटील यांच्यामधील ब्रॅण्ड वॉरमुळे सोशल मीडियावर यावर चर्चा झाली होती. मनोज पाटील यांच्याबाबत ट्विट करण्याबाबत न्यायालयाने मनाई केली आहे.

त्यातून साहिलच्या समर्थकांनी पाटील यांना ट्रोल केले. त्यामुळे निर्माण झालेल्या नाराजीतून ही घटना घडली, असे ओशिवरा पोलीस ठाण्यात दाखल तक्रारीत म्हटले आहे. पाटील यांच्या निकटवर्तीयांनी याबाबत आरोप केले आहेत. मात्र साहिलने या आरोपांचे खंडन केले आहे. साहिलने स्टाईल या सिनेमात काम केले आहे.