कल्याण डोंबिवली महानगर पालिकेतला गोंधळ उघड झाला आहे. पालिकेने अनधिकृत बांधकामाची तक्रार केलेल्या व्यक्तीलाच नोटीस पाठवली आहे. विशेष म्हणजे याने आपल्याच जागेवर अनधिकृत बांधकाम झाल्याची तक्रार केली होती.

कल्याणमध्ये जोशी बाग भागामध्ये एक इमारत आहे. या तीन मजली इमारतीच्या तळ मजल्यावर एक रुम विकण्यात आली आहे. मात्र या रुमच्या मालकाने इमारतीच्या जागेत एक शौचालय बांधलं आहे. हे बांधताना इमारतीच्या मालकाला विश्वासात घेण्यात आलं नव्हतं. याच शौचालयाची तक्रार महापालिकेकडे करण्यात आली आहे.

या इसमाला कल्याण डोंबिवली महानगरपालिकेने इमारतीचा चौथा, पाचवा मजला अनधिकृत असल्याची नोटीस पाठवली आहे. तसंच कागदपत्रंही मागितली आहेत. मात्र ही इमारत केवळ तीनच मजल्यांची आहे. आता आणखी मजल्यांची कागदपत्रे कुठून आणायची, असा प्रश्न या व्यक्तीला पडला आहे.