मुंबई : अनेक वर्षांपासून रखडलेल्या खारकोपर- उरण रेल्वे मार्गाचे काम अंतिम टप्य्यात आले असून येत्या काही दिवसांत या मार्गावर लोकल धावणार आहे.विशेष म्हणजे खारकोपर-उरण रेल्वे प्रकल्पाचे उदघाटन पंतप्रधान नरेंद्र मोदी यांच्या हस्ते होणार असल्याची माहिती मिळत आहे. त्यामुळे उरणमध्ये राहणाऱ्या प्रवाशांना मोठा दिलासा मिळणार आहे.

नेरूळ ते उरण मार्गिकेचे काम पूर्ण झाले आहे. मात्र, अद्यापही ही मार्गिका प्रवाशांसाठी सुरू झालेली नाही. या मार्गिकेचे उदघाटन स्वता पंतप्रधान नरेंद्र मोदी यांच्याकडून करण्याचे नियोजन आहे. मात्र, अजूनही पंतप्रधान कार्यालयातून वेळ मिळालेला नाही.

विशेष म्हणजे, नवीन मुंबई येथील मेट्रोसह अन्य विकास कामाचे उदघाटन पंतप्रधान नरेंद्र मोदी यांच्या हस्ते होणार आहे. त्यासाठी सर्व तयारी सुद्धा सुरु झालेली आहे. या सोबतच खारकोपर-उरण मार्गाचे उद्घाटन होणार असल्याची माहिती रेल्वेच्या सूत्रांनी दिली आहे. तसेच उदघाटन कार्यक्रमाची रेल्वेकडून तयारी सुद्धा करण्यात येत आहे.

खारकोपर- उरण १४.६ किलोमीटर लांबीच्या दुहेरी रेल्वे मार्गिकेच काम पूर्ण झाले आहे. या मार्गावर गव्हाण, रांजणपाडा, न्हावाशेवा, द्रोणागिरी आणि उरण ही पाच रेल्वे स्थानके बांधून पूर्ण झाले आहे. मात्र, स्थानक इमारती छोटे- मोठे प्रवासी सुविधेचा काम अंतिम टप्प्यात आहे. हे कामही येत्या काही दिवसात पूर्ण करण्यात येणार आहे.