विधानपरिषदेचा निकाल लागल्यापासून महाविकास आघाडीत खदखद बाहेर येत आहे. फडणवीसांनी पाचही जागा निवडून आणल्याने राज्यात मोठ्या घडामोडींना वेग आला आहे.

त्यातच आता एकनाथ शिंदे कालपासून नॉट रिचेबल असल्याने सेनेच्या गोटातून मोठी बातमी येऊ शकते. भाजपला राज्यसभेवेळी १२३ मतं पडली होती. यंदा १३३ मतं पडल्याने मविआ सरकारची आणखी १० मतं फोडण्यात फडणवीसांना यश आलं आहे. मात्र सेनेची ११ मतं फुटल्याने शिवसेनेच्या गोटात खळबळ आहे. (Eknath Shinde News)

उद्धव ठाकरे यांनी तातडीने बैठक बोलावली आहे. मतदान करून माघारी निघालेल्या आमदारांना पुन्हा मुंबईत बोलवण्यात आलं आहे. संजय राऊत यांनी तत्काळ दिल्ली दौरा रद्द केला आहे. त्यामुळे मुंबईत घडामोडींना वेग आला आहे. (Kirit Somaiya Tweets on Eknath Shinde)

दरम्यान एकनाथ शिंदे यांनी रात्रीतून मुक्काम हालवला असून त्यांनी गुजरातमध्ये आश्रय घेतला आहे. ते आज पत्रकार परिषदही घेणार असल्याचं समोर आलंय. यातच आता किरीट सोमय्यांनी ट्वीट करत शिवसेनेवर निशाणा साधला आहे. उद्धव ठाकरे यांचे बारा वाजणार असल्याचं त्यांनी म्हटलंय.