Konkan Railway News: यंदा ७ सप्टेंबरपासून गणेशोत्सवाची धामधूम सुरू होणार आहे. कोकण मार्गावर सोडण्यात येणाऱ्या रेल्वेगाड्यांचे आरक्षण १२० दिवस आधी म्हणजेच १० मे पासून खुले होणार असल्याने गणेशभक्त कमालीचे सुखावले आहेत. (kokan railway)

नियमित रेल्वेगाड्यांसह ‘गणपती स्पेशल गाड्यांची आरक्षित तिकीटे मिळवण्यासाठी चाकरमान्यांची तिकीट खिडक्यांवर चढाओढच सुरू होणार आहे.(ganpati in konkan)

गणेशोत्सवासाठी लाखो चाकरमानी कोकणात डेरेदाखल होतात. कोकणात जाणाऱ्या सर्व गाड्यांचे बूकिंग २ ते ३ मिनिटातच हाऊसफुल्ल होत असल्याने आरक्षित तिकिटांसाठी तिकीट खिडक्यांवर तासनतास ताटकळत उभे राहूनही चाकरमान्यांच्या पदरी निराशाच पडते. यंदा ७ सप्टेंबरला गणरायाचे आगमन होणार आहे.(kokan ganeshotsav)

गणेशोत्सव कालावधीत कोकण मार्गावरून धावणाऱ्या नियमित गाड्यांव्यतिरिक्त सोडण्यात येणाऱ्या गणपती स्पेशल गाड्यांची आरक्षित तिकिटासाठी ऑनलाईनप्रमाणेच तिकीट खिडक्यांवरही गर्दी उसळणार आहे.(how to book kokan railway ticket reservation)

कोकण मार्गावर नेमक्या किती गणपती स्पेशल चालवणार, हे अद्याप रेल्वे प्रशासनाने जाहीर केलेले नाही; मात्र, १० मे पासून गणेशोत्सवात धावणाऱ्या गाड्यांचे आरक्षण खुले होणार आहे. त्यामुळे चाकरमान्यांना गणपतीसाठी गावी येण्याचे नियोजन करणे सुकर होणार आहे.(kokan railway reservation)