डोंबिवली : कल्याण ग्रामीण मलंगगड येथील खरड गावात (Kharad village) वीटभट्टीवर गुरुवारी सायंकाळी अचानक आग (fire at brick kiln) लागल्याची घटना घडली. आगीने क्षणार्धात रौद्र रूप धारण केले. यामुळे वीटभट्टीवर काम करणाऱ्या मजुरांची घर आगीत पूर्ण जळून खाक (house burnt) झाली आहेत.

ग्रामीण भागात वीटभट्टीचा व्यवसाय मोठ्या प्रमाणात असून कर्जत कसारा येथील मजूर परिवारासह वीटभट्टी वर कामासाठी आलेले आहेत. भट्टीच्या परिसरातच या मजुरांना झोपडी उभारण्यासाठी जागा दिली जाते. तसेच जवळून जाणाऱ्या महावितरणच्या विजेच्या तारांवर आकडे टाकून त्यांना चोरून वीज पुरवठा देखील केला जातो. शॉर्टसर्किटमुळे ही आग लागल्याचा प्राथमिक अंदाज वर्तविण्यात आला आहे.

खरड गावातील वीटभट्टी वर लागलेल्या आगीच्या ठिकाणी केमिकलचा साठा करून ठेवण्यात आला होता अशी प्राथमिक माहिती समोर येत आहे. मात्र नक्की कोणते केमिकल, कशासाठी हा साठा करण्यात आला होता ही माहिती उघड झाली नाही.