अलिबाग - कोरोनाची साखळी तोडण्यासाठी रायगड जिल्हयात 15 जुलैच्या मध्यरात्रीपासून ते 26 जूलैच्या मध्यरात्रीपर्यंत  लॉकडाऊन घोषित करण्यात आला होता. परंतू कोरोनाच्या रुग्णांची वाढती संख्या तसेच जिल्हयातील काही नागरिक आणि विविध संघटनाने लॉकडाऊन न करण्याबाबत जिल्हाधिकाऱ्यांकडे निवेदन दिले. त्यांच्या या मागणीला दुजोरा देत जिल्हयातील लॉकडाऊन दोन दिवस अधिक समाप्त करण्यात आले. 24 जूलैच्या मध्यरात्रीपासून लॉकडाऊन थांबविण्यात आले आहे. त्यामुळे आता सर्व व्यवहार सुरू राहणार आहेत.

मोठी बातमी - आणि तब्बल 25 वर्षानंतर त्या स्वतःच्या पायावर पुन्हा चालू लागल्या...

लॉकडाऊन असतानाही कोरोना रुग्णांच्या संख्येत वाढ

जिल्हयातील शहरी भागासह ग्रामीण भागात कोरोनाचे रुग्ण वाढल्याने चिंता व्यक्त करण्यात आली होती. कोरोनाचा प्रादुर्भाव वाढू नये म्हणून  जिल्हा प्रशासनाने 15 जूलै रोजी रात्री बारा वाजल्यापासून ते 26 जूलै रोजी रात्री 12 वाजेपर्यंत लॉकडाऊन घोषित केले होते. या कालावधीत पोलीसांचा कडक बंदोबस्त ठेवला होता. भाजी, मटण, मासळी विक्रीच्या दुकानांसह किराणा दुकानांनी बंदी घातली होती. त्यामुळे नागरिकांचे प्रचंड हाल होऊ लागले होते.

प्रशासनाने गटारीच्या पार्श्वभुमीवर 18 जूलैपासून लॉकडाऊन शिथील केले होते. दुध, भाजी फळे, मासळी विक्रीसह किराणा दुकानांना सकाळी सहा ते अकरा वाजेपर्यंत परवानगी देण्यात आली. त्यानंतर  गेल्या दोन दिवसापुर्वी दुपारी दोन वाजेपर्यंत दुकाने सुरू करण्याची परवानगी दिली. जिल्हयात लॉकडाऊन असतानाही कोरोना रुग्णांच्या संख्येत वाढ होऊ लागली.

मोठी बातमी - लॉकडाऊनचा असाही होतोय गंभीर परिणाम, शरीरातील 'हे' व्हिटॅमिन होतंय कमी

नागरिकांना आश्चर्याचा धक्का

जिल्हयातील काही नागरिक व विविध संघटनांनी लॉकडाऊनबाबत फेरविचार करावा अशी मागणी केली. जिल्हयात लॉकडाऊन असताना कोरोना रुग्णांच्या संख्येत घट झाल्याचे दिसून आले नाही. तसेच संघटनेच्या मागणीचा विचार करून जिल्हाधिकारी निधी चौधरी यांनी लॉकडाऊन 24 जूलैच्या मध्यरात्रीपासून लॉकडाऊन उठविण्याचे लेखी आदेश काढले आहेत. जिल्हाधिकाऱ्यांच्या या आदेशाबाबत कौतूक होत असताना काही नागरिकांना आश्चर्याचा धक्का बसला आहे.

( संपादन - सुमित बागुल ) 

lockdown in raigad district lifted 2 days in advanced read full news