Mumbai News: लोकसभा निवडणुकीच्या तोंडावर राज्यात महायुतीबरोबर मनसेची हातमिळवणी होणार, यावर अनेक वेळा चर्चा झाल्या.

प्राथमिक पातळीवर भाजप, शिवसेना, मनसे या पक्षांच्या नेते आणि राज ठाकरे आणि अमित शहा यांचीही चर्चा झाली तरी अजून महायुतीत मनसेला घेणे अटीशर्तीत अडकल्याचे समजते. (raj thackeray with bjp)

गेल्या काही महिन्यात शिवसेना, भाजप आणि मनसे यांच्यातील युतीच्या हालचालींना वेग आला होता. मात्र आता या चर्चा थंड झालेल्या आहेत. (raj thackeray gudi padava speech)

मात्र यावर गुढीपाडव्याला होणाऱ्या राज ठाकरे यांच्या सभेत युती संदर्भात ठाकरे आपली भूमिका स्पष्ट करणार आहेत. (mns and shivsena alliance)

वरिष्ठ पातळीवर नेत्यांमध्ये चर्चा झाली असली तरी अजूनही बोलणी अंतिम टप्प्यात नसल्याची चर्चा आहे. भाजपच्या चिन्हावर निवडणूक लढविण्यास मनसेने नकार दिल्याची माहिती समोर येत आहे.

मनसे नेत्यांचे मौन

मनसे नेत्यांनी युती संदर्भात बोलण्यासाठी मौन बाळगले आहे. जो काही मनसेचा निर्णय असेल तो राज ठाकरे जाहीर करतील असेही मनसेच्या नेत्याकडून सांगण्यात येत आहे. गुढीपाडव्याला होणाऱ्या सभेत ते भूमिका भूमिका जाहीर करणार आहेत.(gudipadva mns melava)