मुंबई : वरळीतील हाजी अली दर्ग्याला बॉम्बनं उडवून देण्याची धमकी देण्यात आली आहे. या दर्ग्याच्या ट्रस्टच्या माहिम येथील कार्यालयात धमकीचा फोन आल्यानं खळबळ उडाली आहे. बुधवारी हा धमकीचा फोन आल्याचं पोलिसांनी सांगितलं आहे.

याप्रकरणी ताडदेव पोलीस ठाण्यात फोन करणाऱ्या व्यक्तीविरोधात विविध कलमांर्गत गुन्हा दाखल करण्यात आला आहे. बुधवारी सायंकाळी ५ वाजण्याच्या सुमारास हाजी अली दर्ग्याच्या कार्यालयात हा धमकीचा फोन आला होता. हाजी अली दर्ग्यात बॉम्ब ठेवल्याची माहिती देत तातडीने दर्गा खाली करण्याची धमकी त्यानं दिली होती. Haji Ali Dargah Latest News

फोनवरुन धमकी देणाऱ्यानं स्वत:चं नाव पवन असं सांगितलं असून त्यानं अर्वाच्च भाषेत शिवीगाळ करत दर्ग्याविषयी वादग्रस्त विधानंही केली असल्याचं ट्रस्टच्या अधिकाऱ्यांनी पोलिसांना सांगितलं आहे. त्यानुसार, फोन करणाऱ्या व्यक्तीविरोधात कलम ३५१ (२), ३५२, ३५३(२), ३५३(३), भादंवि २०२३ अंतर्गत गुन्हा दाखल करण्यात आला आहे.