मुंबई : मराठा सामाजाला ओबीसीतून आरक्षण मिळावं यासाठी सगे-सोयरे अधिसूचनेची अंलबजावणी राज्य सरकारनं करावी, अन्यथा आगामी विधानसभा निवडणुकीत सर्व २८८ जागांवर उमेदवार उभे करणार अशी घोषणा मराठा आंदोलक मनोज जरांगे यांनी केली आहे. (Manoj Jarange announcement to gives candidates on 288 seats in assembly election if sage soyare notification not apply)

"सगे-सोयरेंची अंमलबजावणी केली नाही तसंच मराठा आणि कुणबी एकच आहेत हे जर राज्य सरकारनं मंजूर केलं नाही, तर मग मात्र शंभर टक्के विधानसभेच्या २८८ जागांवर सर्व जातीधर्माचे उमेदवार उभे करणार," अशी घोषणा मनोज जरांगे यांनी पत्रकारांशी बोलताना केली.

दरम्यान, मराठा समाजाला ओबीसी प्रवर्गातून आरक्षण मिळावं यासाठी मनोज जरांगे यांनी लढा उभारला आहे. यासाठी त्यांनी गेल्या वर्षी राज्यातील राजकारण ढवळून काढलं होतं. अनेकदा त्यांनी यासाठी उपाषण केलं. त्यांनी उपोषण मागे घ्यावं यासाठी सरकारनं त्यांच्या कही मागण्या मान्यही केल्या. पण जरांगे हे मराठा समाजातील लोकांना सगे-सोयरे या नियमानं ओबीसी आरक्षणाचा लाभ द्यावा अशी मागणी लावून धरली. त्यासाठी त्यांनी थेट मुंबईला धडक दिली. त्यावेळी मुख्यमंत्री एकनाथ शिंदे यांनी याची अधिसूचना काढली होती. तसंच ज्या मराठ्यांच्या जुन्या कुणबी नोंदी सापडल्या आहेत त्यांना कुणबी प्रमाणपत्रे देण्याचे आदेश देत त्याची अंमलबजावणी देखील सुरु केली.

पण मराठ्यांचा कुणबी प्रवर्गात समावेश करण्याची मागणी मान्य केली नाही. त्याऐवजी विधानसभेच विशेष अधिवेशन बोलावून मराठा समाज मागास असल्याच्या मागासवर्ग आयोगाच्या अहवालावरुन १० टक्के एसईबीसी आरक्षण लागू केलं.