डोंबिवली ः लुटारूंच्या (Robber) मारहाणीत गंभीर जखमी झालेल्या अभियंत्याचा (Engineer) मंगळवारी उपचारादरम्यान मृत्यू (Death) झाला. कृष्णमोहन तिवारी (वय ४७) असे मृताचे नाव आहे. नोकरी मिळवून देतो, असे सांगून चौघांच्या टोळीने कृष्णमोहन यांना अज्ञातस्थळी बोलावून घेतले होते.

या वेळी कृष्णमोहन त्या ठिकाणी पोहोचताच लुटारूंनी त्यांच्याकडील मौल्यवान वस्तू काढून घेण्याचा प्रयत्न केला; मात्र त्यांनी विरोध केल्याने चौघांनी मिळून कृष्णमोहन यांना जबर मारहाण केली आणि रिक्षात घालून नंतर खंबाळपाडा येथील रस्त्याकडेला फेकून दिले. कृष्णमोहन हे शनिवारी दुपारी बारा वाजता खंबाळपाडा परिसरात जखमी अवस्थेत पडून असल्याचे पोलिस हवालदार बी. होरे यांना आढळले. त्यांनी त्यांना उपचारासाठी शिवम रुग्णालयात दाखल केले. त्यांच्या हाताला आणि डोक्याला गंभीर दुखापत झाली होती. सोमवारी उपचारादरम्यान त्यांचा मृत्यू झाला.

रिहान शेख (२१), सागर पोनाला (२०), सुमित सोनवणे (२०) अशी अटकेतील आरोपींची नावे आहेत. यातील एक आरोपी अल्पवयीन असल्याची महिती पोलिस उपायुक्त विवेक पानसरे यांनी दिली. रिहान हा दिवा येथील नोकरीची माहिती देणाऱ्या संस्थेत काम करतो.