Mumbai Mega Block : उपनगरी रेल्वे मार्गावरील रुळांची दुरुस्ती, तसेच सिग्नल यंत्रणेतील तांत्रिक कामांसाठी रविवारी (ता.२२) तिन्ही मार्गांवर मेगाब्लॉक घेण्यात आला आहे. मध्य रेल्वेच्या ठाणे ते कल्याण पाचव्या-सहाव्या मार्गिकेवर शनिवारी रात्री ते रविवारी पहाटेपर्यंत मेगाब्लॉक असणार आहे. हार्बर मार्गावरील मानखुर्द ते नेरूळ अप-डाऊन मार्गावर आणि पश्चिम रेल्वेच्या गोरेगाव ते बोरिवली अप-डाऊन जलद मार्गावर मेगाब्लॉक घेण्यात आला आहे.

मध्य रेल्वे :

कुठे : ठाणे-कल्याण पाचव्या-सहाव्या मार्गिकेवर

कधी : मध्य रात्री १ ते पहाटे ४ वाजेपर्यंत

परिणाम : या ब्लॉकदरम्यान मुंबईकडे येणाऱ्या मेल/एक्स्प्रेस गाड्या कल्याण आणि ठाणे स्थानकांदरम्यान अप-जलद मार्गावर वळवल्या जातील; तर मुंबईतून जाणाऱ्या मेल-एक्स्प्रेस गाड्या कल्याण आणि ठाणे स्थानकांदरम्यान डाऊन जलद मार्गावर वळविण्यात येतील.

हार्बर मार्ग

कुठे : मानखुर्द ते नेरूळ अप-डाऊन हार्बर मार्गावर

कधी : सकाळी ११.१५ ते सायंकाळी ४.१५ पर्यंत

परिणाम : या ब्लॉकदरम्यान सीएसएमटी /वडाळा रोड येथून वाशी/बेलापूर/पनवेल करिता आणि सीएसएमटी येथून वांद्रे/गोरेगाव करीता सुटणारी डाउन हार्बर मार्गावरील सेवा रद्द असतील.

पश्चिम रेल्वे

कुठे : गोरेगांव ते बोरिवली अप-डाऊन जलद मार्गावर

कधी : सकाळी १० ते दुपारी ३ वाजेपर्यत

परिणाम : या ब्लॉकदरम्यान अप-डाउन जलद मार्गावरील लोकलसेवा गोरेगाव ते बोरिवली स्थानकादरम्यान धीम्या मार्गावर वळविण्यात येतील. बोरिवलीहून सुटणाऱ्या काही लोकल गाड्या गोरेगाव स्थानकापर्यंत धावतील. ब्लॉक दरम्यान काही लोकल सेवा रद्द असणार आहे.