मुंबई : जबाबदारीतून पळणाऱ्यांपैकी मी नाही. अन्याय करणाऱ्याच्या छाताडावर पाय देणारा मराठी माणूस आहे, अशा शब्दात आज मुख्यमंत्री (CM) तथा शिवसेनेचे (Shivsena) पक्षप्रमुख उद्धव ठाकरे (Uddhav Thackeray) यांनी विरोधकांना इशारा दिला. ‘मार्मिक’ (Touching’) साप्ताहिकाच्या वर्धापन दिनानिमित्त आयोजित कार्यक्रमात त्यांनी ‘मार्मिक ’चा जन्म, त्यातून उभी राहिलेली शिवसेना (Shivsena),आणीबाणीच्या काळातील आठवणी जाग्या केल्या.

'आज मार्मिक ६१ वर्षांचे झाले, माझेही वय तेवढेच आहे. शिवशाहिर बाबासाहेब पुरंदरे शतायुषी झाले आहेत. तसेच मार्मिकही शतायुशी होईल, अशा शुभेच्छाही त्यांनी दिल्या.'

बाळासाहेबांनी कृती केली

नोकरी सोडा, व्यवसाय करा हे सर्वच सांगतात; पण शिवसेनाप्रमुख दिवंगत बाळासाहेब ठाकरे यांनी कृतीतून ते दाखवून दिले होते. त्यांनी नोकरी सोडून ‘मार्मिक’ साप्ताहिक सुरू केले. माजी मंत्री दिवाकर रावते तेव्हा ‘मार्मिक’ हातगाडीवरून घेऊन जायचे. ही लढायची वृत्ती ‘मार्मिक’ने दिली, असे उद्धव ठाकरे यांनी सांगितले.