मुंबई : मुंबईसह महाराष्ट्र महिलांसाठी रात्रीही सुरक्षित आहे, असा संदेश किमान दीड हजार महिलांनी रात्रीच्या प्रहरी धावून दिला. निमित्त होते येत्या रविवारी होणाऱ्या महाराष्ट्र पोलिसांच्या आंतरराष्ट्रीय मॅरेथॉनचे. 
आजवर मुंबई आणि देशभरात अनेक मॅरेथॉन झाल्या आहेत; पण महाराष्ट्र पोलिस स्वतःच्या पुढाकाराने आंतरराष्ट्रीय मॅरेथॉन घेणार आहेत. पोलिसांकडून होणारी ही देशातील पहिली मॅरेथॉन असणार आहे; पण त्याअगोदर शुक्रवारी महिलांनी तीन कि.मी.ची दौड करून नवा इतिहास रचला. रात्रीच्या प्रहरी तेही महिलांनी धावण्याचा प्रसंग देशाच्या मॅरेथॉन इतिहासात प्रथमच घडला. 

मोठी बातमी महाराष्ट्राची ऐतिहासिक उपेक्षा!

महाराष्ट्र पोलिस मुख्यालयाचा परिसर शुक्रवारी रात्री महिलांच्या उत्साहाने गजबजला होता. "फ्रिडम फ्रॉम फिअर' या घोषवाक्‍याने पार पडलेल्या या केवळ महिलांच्या मॅरेथॉनमध्ये 10 वर्षांच्या मुलींपासून साठी पार केलेल्या आजीही उत्साहात धावल्या. एक आजी तर साडीमध्ये धावत होत्या. 

हे वाचलेय का... हा अर्थसंकल्प न समजण्यापलीकडे... 

कुटुंबही धावले 
महिलांच्या या मॅरेथॉनमध्ये संपूर्ण मुंबईतून महिला आल्या होत्या. त्यात डॉ. तेजस्विनी पवार त्यांची 60 वर्षांची आई संध्या उबाळ आणि 68 वर्षांच्या सासू रजनी पवार यांचाही समावेश होता. रजनी पवार तर अशा अनेक मॅरेथॉन धावत असतात. महाराष्ट्र पोलिस मुख्यालय तर एअर इंडिया इमारत असा शर्यतीचा मार्ग होता. रात्री 10.30 वाजता शर्यत सुरू झाली तेव्हा या परिसरातील वाहतूक थांबवण्यात आली होती. रस्त्यांवर थांबलेले रात्री महिला शर्यतीत धावत असल्याचे पाहताना शाबासकीही देत होते. 

महत्वाची बातमी कसाऱ्यात चक्क विहीरच बुडाली पाण्यात 

शर्यतीअगोदर सराव
या शर्यतीत काही महिला पोलिसांचा तसेच पोलिस पत्नींसह काही नवोदितांचाही समावेश होता. शर्यत सुरू होण्यापूर्वी सर्वांकडून वॉर्मअप करून घेण्यात आला होता. ही शर्यतीचे नियोजन "ट्रिगर्समॉम' संघटनेने केले होते. सुवर्णा जोशी यांचा यात मोठा वाटा होता.

The message of security was given by women at night