मुंबई - मुंबईतील गोवंडी भागातील सुधारगृहातून तब्बल सहा अल्पवयीन मुली पळून गेल्याची घटना समोर आली आहे. रविवारी 11 सप्टेंबरला पहाटे 15-17 वयोगटातील या मुलींनी रविवारी पहाटे सायन-ट्रॉम्बे रोडवर असलेल्या सुविधेतून खिडकीचे ग्रील दगडाने फोडून पळ काढला होता. काही तासांनंतर रविवारी रात्री दोन मुली स्वेच्छेने सुधारगृहात परतल्या. .मुली पळून गेल्याप्रकरणी अपहरणाचा गुन्हा गोवंडी पोलीस ठाण्यात दाखल करण्यात आला.

पोलिसाना तपासात पळालेल्या मुलींना कोणीतरी पळून जाण्यास मदत केल्याचे आढळून आले आहे. त्यामुळे पोलिसांनी अज्ञात व्यक्तींविरुद्ध गुन्हा दाखल करण्यात आला. रविवारी रात्री उशिरा दोन मुली स्वेच्छेने सुधारगृहात परत आल्या गोवंडी पोलीस त्या मुलींची चौकशी करत असून पळून गेलेल्या इतर मुलीचा शोध घेत आहेत.