Latest Dombivali News: कल्याण रेल्वे स्थानकात सोमवारी दुपारच्या सुमारास प्लॅटफॉर्म क्रमांक चारवर आलेल्या मेल एक्सप्रेस मध्ये चढत असताना तोल गेल्याने एक्सप्रेस आणि प्लॅटफॉर्म मधील गॅप मध्ये पडला. तेवढ्यात एक्स्प्रेस सुरू झाल्याने त्या प्रवाशाचा जागीच मृत्यू झाल्याची घटना घडली आहे. बिपिन कुमार सिंह (वय 25) असे या मयत प्रवाशाचे नाव आहे.

मुंबई येथे फिरण्यासाठी बिपीन हा आला होता. सोमवारी दुपारी दोनच्या सुमारास कल्याण जंक्शन रेल्वे स्थानकातील फलाट क्रमांक 4 वरून त्याने धुळे एक्सप्रेस पकडण्याचा प्रयत्न केला. दरम्यान त्याचा पाय अचानक पायऱ्यांवरून सरकला आणि मधल्या गॅप मध्ये सापडला. तेवढयात एक्सप्रेस चालू झाल्याने बिपीन गंभीर जखमी होऊन त्याचा मृत्यू झाला. याप्रकरणी कल्याण लोहमार्ग पोलीस ठाण्यात अपघाती मृत्यू झाल्याची नोंद करण्यात आली असून अधिक तपास वरिष्ठ पोलीस निरीक्षक पंढरीनाथ कांदे करीत आहेत.