Mumbai News: मुंबईतल्या अटल सेतूवर एका महिलेने उडी मारून जीव देण्याचा प्रयत्न केला. परंतु तिथे हजर झालेल्या पोलिसांनी जीवाची पर्वा न करता महिलेचा जीव वाचवला आहे.

अटल सेतूवरचा हा व्हिडीओ व्हायरल झाला आहे. एक महिला जीव देण्यासाठी रस्त्याच्या कठड्यावर चढली होती. एक वाहन चालक तिथेच उभा होता. तेवढ्यात त्या महिनेले उडी घेतली आणि उभ्या असलेल्या त्या व्यक्तीने तिचे केस धरले आणि तिला पकडून ठेवलं.

तिथे आलेल्या वाहतूक पोलिसांनी तातडीने कठड्यावर चढत महिलेला धरुन ठेवलं. एका पोलिसाच्या मदतीला आणखी दोन पोलिस धावले आणि तिघांनी अत्यंत शिताफीने महिलेचा जीव वाचवला.

तीन वाहतूक पोलिसांनी आणि अन्य एका व्यक्तीने जीवावर उदार होऊन महिलेचा जीव वाचवल्याने त्यांच्या शौर्याचं कौतुक होत आहे. या व्हिडीओ सोशल मीडियामध्ये व्हायरल झाला आहे.