मुंबई : मुंबईतील पहिल्या मेट्रोच्या जाळ्याला मुंबईकरांचा दिवसेंदिवस प्रतिसाद वाढतो आहे. मेट्रो वन आणि मेट्रो २ अ व ७ या मार्गिकांवरदेखील प्रवाशांचा मेट्रोला प्रतिसाद वाढतो आहे. बेस्ट संपकाळात सर्वाधिक मुंबईकरांनी मेट्रोने प्रवास करण्यास पसंती दिल्याचे आकडेवारी सांगते. अशातच गोरेगाव नेस्को सेंटर येथे सुरु असलेल्या ज्वेलरी प्रदर्शनामुळेही मेट्रोच्या प्रवासी संख्येत वाढ दिसून आल्याचे एमएमएमओसीएलने सांगितले.

नेसको सेंटर गोरेगाव येथे सुरु असलेल्या ज्वेलरी प्रदर्शनामुळे ६००० अतिरिक्त प्रवाश्यांची मट्रो २ अ आणि ७ ने प्रवास करणे पसंत केले. यामुळे पहिल्यांदाच गोरेगाव पूर्व या स्थानकाच्या १०००० प्रवासी संख्येचा टप्पा पार केला.

तसेच, बेस्ट कर्मचारी संपामुळे मालाड येथे प्रवास करणाऱ्यांची संख्या ११००० इतकी नोंदविली गेली. सहा स्थानकांची एकूण १०००० ते ११००० प्रवासी प्रतिदिनचा टप्पा पार केला. गुंदवलीला सर्वाधिक २६,०८४ आणि अंधेरी पश्चिम २५,२५७ इतकी प्रवासी संख्या नोंदविली गेली.

स्थानकनिहाय संख्या

• लोअर ओशिवरा - १०,०७८

• गोरेगाव पूर्व - १०,१५३

• कांदिवली पूर्व - १०,१७६

• दहिसर पूर्व - १०,२१४

• डहाणूकरवाडी - १०,३१३

• मालाड पश्चिम - ११,४४०

तिकीटाची माध्यम

• पेपर क्यूआर - ६२%

• एनसीएमसी - ३४%

• मोबाईल ऍप - ४%