मुंबई: भाजपाचे महाराष्ट्र वाहतूक संघटनेचे (transport wing) नेते हाजी अरफात शेख (Haji Arfat Shaikh) यांच्या इनोवा क्रिस्टा कारचे नुकसान करून त्यांना धमकी देण्यात आली आहे. त्यांना भाजप (bjp) सोडण्याची धमकी मिळाली आहे. कुर्ला (Kurla) कोर्टाजवळील एलबीएस रोड येथील त्यांच्या घराजवळ गाडी उभी असताना, गाडीच्या काचा दोन अनोळखी व्यक्तींनी फोडल्या. (Mumbai Bjp leader Haji Arfat Shaikh threatened by unknown accused)
तसेच प्लास्टिक पिशवीत एका पेव्हर ब्लाँक आणि धमकीची चिठ्ठी हाजी अरफात शेख यांच्या नावाने लिहिली होती. या चिठ्ठीत "तुझे आखरी चेतावनी दे रहा हू, बीजेपी छोड दे, लोगों को गुमराह करना बंद कर, अगली बार पथर नही कुछ और होगा. बीजेपी छोड...." असे लिहिले होते.
या प्रकरणी हाजी अरफात शेख यांनी कुर्ला पोलिस ठाण्यात गुन्हा नोंदवला असून पोलिस तपास करत आहेत. हाजी अराफात शेख यांच्या राजकीय प्रवासाची सुरुवात शिवसेनेच्या विद्यार्थी सेनेतून झाली. पुढे त्यांनी राज ठाकरे यांच्या महाराष्ट्र नवनिर्माण सेनेमध्ये प्रवेश केला. मनसेमध्ये ते पक्षाचे उपाध्यक्ष आणि वाहतूक शाखेचे प्रमुख होते.
मनसेत मतभेद झाल्यानंतर पुढे २०१४ मध्ये त्यांनी शिवसेनेत पुन्हा प्रवेश केला. शिवसेनेत त्यांना उपनेतेपद आणि महाराष्ट्र शिव वाहतूक सेनेचे अध्यक्षपद मिळाले. त्यानंतर सप्टेंबर २०१८ मध्ये त्यांनी शिवसेनेला अचानक सोडचिठ्ठी देत भाजपामध्ये प्रवेश केला.
हाजी अरफात शेख म्हणाले...
मला गेल्या काही दिवसात बऱ्याच धमक्या येत आहेत. भाजप मध्ये आल्या पासून पक्ष सोडण्यासाठी दबाव टाकला जातोय. काल रात्री दोन अज्ञात व्यक्तींनी गाडी फोडून धमकी दिलीय. मी काम करत राहणार. मी काम करत असल्यामुळे काही लोकांच्या मनात खदखद वाढलीय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.