मुंबई- आज मुख्यमंत्री एकनाथ शिंदे यांच्या हस्ते कोस्टल रोडच्या एका लेनचे उद्घाटन करण्यात आले आहे. यावेळी आयोजित कार्यक्रमात बोलताना उपमुख्यमंत्री देवेंद्र फडणवीस यांनी उबाठावर टीका केली आहे. काही लोक श्रेय घेतल्याची टीका करत आहेत. पण, आम्ही दुसऱ्याचं श्रेय कधी लाटत नाही, असं फडणवीस म्हणाले. (Mumbai Coastal Road Project MCRP inauguration cm eknath shinde devendra fadanvsi speech)

फडणवील म्हणाले की, आज मुंबईसाठी महत्त्वाचा दिवस आहे. कारण, आज आपण एक लेन सुरु करत आहोत. त्याचा प्रचंड फायदा मुंबईकरांना होणार आहे. दुसरा लेन देखील लवकरत सुरु करण्यात येणार आहे. काल सोशल मीडियावर मला पाहिला मिळालं की, उबाठाचे बाळराजे यांनी सांगितलं की हे सर्व आम्ही केलं आणि आमच्या कामाचं श्रेय हे लोक घेतात.

मी आधी त्यांना सांगतो, आम्ही दुसऱ्याच्या कामाचे श्रेय घेणारे लोक नाही. आम्ही आमच्याच कामाचे श्रेय घेतो. या कोस्टल रोजची संकल्पना नवीन नव्हती. अनेक वर्ष ही संकल्पना होती. मा. उद्धव ठाकरे यांनी दोन महानगरपालिकेच्या निवडणुका केवळ कोस्टर रोडचे प्रझेंटेशन दाखवून पार पाडल्या आहेत, असं म्हणत त्यांनी आदित्य ठाकरेंवर टीका केली.

२००४ ते २०१४ मध्ये यूपीएचे सरकार होते. आपल्याकडे सी-लिंक बाधण्याला परवानगी होती. पण, कोस्टल रोडची परवानगी नव्हती. यूपीए सरकारमधील नेत्यांनी याची परवानगी घेतली नाही. पण, जेव्हा मोदींचे सरकार आलं तेव्हा आम्ही पाच बैठका केल्या आणि सरकारकडून परवानगी काढून घेतली, असं फडणवीस म्हणाले.

आघाडीच्या काळात भ्रष्टाचार

काही लोक हे आमच्या काळात झाल्याचा दावा करत आहेत. पण, एका गोष्टीचं मी कौतुक करतो. अश्विनी भिडे यांनी पाठपुरावा करुन हे काम पूर्ण करुन घेतले आहे. मला एक गोष्ट आठवते. मी विरोधीपक्ष नेता होतो. त्यावेळी मुख्यमंत्री अधिकाऱ्यांच्या कामात ढवळाढवळ करायचे. नुसती वसुली सुरु होती. कोण आमदार होते मी हे आता बोलणार नाही. सगळ्यांनाच याची माहिती आहे असं ते म्हणाले.

हा रस्ता झाला कारण सत्ता बदल झाला. एकनाथ शिंदे मुख्यमंत्री झाले म्हणून हे काम झालं नाही तर अजून चारपाच वर्ष हे काम झालं नसतं. एकनाथ शिंदेंनी हे काम स्वत: हाती घेऊन पूर्ण करुन घेतलं आहे. काहीजण, नुसतं ट्वीटर, फेसबुकवरुन श्रेय घेत आहेत, असा निशाणा त्यांनी सांगितलं.

श्रेयवादासाठी कधी लढलो नाही

मी मुख्यमंत्री असताना देखील एका कोस्टल रोडचे भूमीपूजन करण्याच्या वेळी उद्धव ठाकरेंनी मला बोलावलं नाही. पण, आम्ही श्रेयवादासाठी कधी लढलो नाही. अंडरग्राऊंड सुरु असलेली मेट्रो यांनी रोखली होती. मी मुख्यमंत्री होतो मी हा प्रकल्प त्यांच्याकडून काढून घेऊ शकलो असतो. पण, आम्हाला मुंबईकरांच्या लोकांचे कल्याण महत्त्वाचे होते. त्यामुळे कधीही हे मी बोललो नव्हतो. पण, काही लोक विनाकारण श्रेय घेताहेत म्हणून मला हे सांगावं लागत आहे, असं ते म्हणाले. (Latest Marathi News)