मुंबई - मुंबई खड्डे मुक्त व्हावी यासाठी सिमेंट कॉंक्रीटचे ४०० किलोमीटरचे रस्ते करण्याचे कामे हाती घेण्यात येणार आहे. एकूण ९१२ रस्ते सिमेंट क्रॉंक्रीटचे होणार असून सद्या ८६ रस्त्यांची कामे सुरु असून ३९ सिमेंट क्रॉंक्रीटचे रस्ते कामे पूर्ण झाली आहेत. तर उर्वरित सिमेंट क्रॉंक्रीटचे रस्ते कामे पावसाळ्यानंतर सुरु होतील, अशी माहिती पालिकेचे अतिरिक्त आयुक्त पी वेलरासू यांनी दिली.

सिमेंट कॉंक्रीटच्या रस्त्यांची जबाबदारी तीन वर्षांसाठी ५ कंत्राटदारांची असून तीन वर्षांत खड्डे पडल्यास कंत्राटदार जबाबदार असेल, असा इशारा पी वेलरासू यांनी दिला.

मुंबईतील ४०० किलोमीटरचे रस्ते सिमेंट क्रॉंक्रीटचे करण्याचे आदेश मुख्यमंत्री एकनाथ शिंदे यांनी मुंबई महापालिका आयुक्त डॉ. इकबाल सिंग चहल यांना दिले होते. चहल यांनी पुढील दोन वर्षांत मुंबईतील रस्ते खड्डे मुक्त होतील आणि संपूर्ण रस्ते सिमेंट काँक्रिटचे असतील, अशी ग्वाही दिली आहे. मुंबईत सिमेंट काँक्रिटचे रस्ते करण्यासाठी पाच कंत्राटदारांची नियुक्ती करण्यात आली आहे.

एकूण ९१२ रस्ते कामे होणार असून आतापर्यंत ३९ काम पूर्ण झाले आहे. मात्र पावसाळ्यात सिमेंट क्रॉंक्रीटचे रस्त्याचे काम करणे शक्य नसल्याने ऑक्टोबरपासून पुन्हा सिमेंट क्रॉंक्रीटचे रस्ते करण्यास सुरुवात होईल, असेही वेलरासू यांनी सांगितले.

पावसाळ्यात सीसी रोडची कामे ठप्प

मुंबईत एकूण ४०० किलोमीटरचे रस्ते सिमेंट क्रॉंक्रीटचे होणार आहेत. यासाठी पाच कंत्राटदारांची नियुक्ती करण्यात आली आहे. मात्र मुंबई शहरात अद्याप सिमेंट क्रॉक्रीटचे रस्ते कामास सुरुवात झाली नसल्याचे ते म्हणाले.

जबाबदारी कंत्राटदाराची

सिमेंट क्रॉंक्रीटचे रस्ते काम पूर्ण झाल्यानंतर त्या रस्त्यांची देखभाल दुरुस्तीची जबाबदारी संबंधित कंत्राटदाराची असणार आहे, असेही ते म्हणाले. १० वर्षे हमी कालावधीत जबाबदारी कंत्राटदारांची असेल.