Khopoli Crime: खोपोलीमधील बँक ऑफ महाराष्ट्रमध्ये गेलेल्या महिलेला पैस मोजून देतो असे सांगून भामट्याने हातचलाखीने वीस हजार पाचशे रुपये लंपास केल्याची घटना घडली. माधुरी सुनील पाटील (वय ४०, रा. खानाव, खालापूर) या गुरुवारी (ता. २७) दुपारी बँकेत गेल्या होत्या.

खोपोली येथील गौरी स्वयसहाय्यता महिला बचत गटाच्या कर्जाचे ६० हजार रुपये काढून पैसे मोजत होत्या. त्यावेळी माधुरी यांच्या शेजारी बसलेल्या अनोळखी इसमाने पैसे मोजून देत असल्याचे सांगून त्यामधील वीस हजार पाचशे रुपयांची रक्कम

त्याने हातचलाखीने लंपास केली. त्यानंतर कर्जाची रक्कम घरी जाऊन मोजली असता आपली फसवणूक झाल्याचे माधुरी यांना लक्षात आले. याप्रकरणी खोपोली पोलिसांत अज्ञाताविरोधात गुन्हा दाखल केला आहे.