प्रीपेड क्रिडीट विधा लोन यांच्या कडून घेतलेल्या लोनच्या रिकव्हरीसाठी वारंवार फोन करून, घरापर्यंत येऊन, मारण्याची धमकी देत असल्याच्या भीतीच्या कर्जबाजारी पणातून स्वताच्या अपहरण आणि खंडणीचा बनाव रचणाऱ्या इसमाला दादर येथून सुखरूप ताब्यात घेण्यास आले आहे.

वसई क्राईम युनिटने ही कामगिरी केली आहे. या इसमाला आचोळा पोलीस ठाण्याच्या ताब्यात दिण्यात आले आहे. पोलीस त्याची चौकशी करत आहेत.

अनुप अमृतलाल विषवकर्मा ( वय २८) असे अपहरण आणि खंडणीचा बनवा रचणाऱ्या इसमाचे नाव आहे. हा नालासोपारा पूर्व अल्कापुरी नालेश्वर मंदिरा जवळील लक्ष्मी निवास नगर येथील रहाणारा आहे.

या इसमाने प्रीपेड क्रिडीट विधा लोन यांच्याकडून दोन वर्षांपूर्वी ९४ हजाराचे कर्ज घेतले होते. पण या कर्जाचे हाप्ते वेळेवर जात नसल्याने, अंधेरी येथील एस डब्ल्यू ओ टी कन्सलटशी चे रिकव्हरी एजंट राजेश शेट्टी हे पैसे भरण्यासाठी फोन करत होते.

जर पैसे भरले नाही तर घरी येऊन जीवे मारण्याची धमकी देत असल्याचा आरोप करण्यात आला आहे. अनुपयाचा भाऊ अनिकेश याने १२ फेब्रुवारी रोजी आचोळा पोलीस ठाण्यात अपहरण आणि १ खंडणीची तक्रार दिली होती.

या तक्रारीच्या अनुषंगाने वसई क्राईम युनिट ०२चे प्रभारी शाहूराज रणवरे यांच्या टीमने सर्व प्रकरणाचा सखोल तपास करून, मोबाईल लोकेशन काडून, सदर कर्जबाजारी इसमाला दादर येथून ताब्यात घेऊन तपास केला असता, अपहरण आणि खंडणीचा बनाव असल्याचे उघड झाले आहे.