Mumbai Dam News : मागील काही दिवसांपासून पावसाने जरी विश्रांती घेतली असली तरी मुंबईकरांसाठी आनंदाची बातमी सामोरं आली आहे. ती म्हणजे मुंबईला पाणीपुरवठा करणारे सातही तलाव फुल झाले आहेत.

जुलै महिन्यात राज्यासह मुंबईत सरासरीपेक्षा जास्त पाऊस झाला. यामुळे जुलै महिन्यात पडलेल्या पावसामुळे मुंबईकरांना दिलासा मिळाला आहे.

मुंबईला अप्पर वैतरणा, मोडक सागर, तानसा, मध्य वैतरणा, भातसा, विहार आणि तुळशी अशा सात तलावांमधून पाणीपुरवठा होत असतो. यंदा या सातही तलावांमध्ये ८० टक्के पाणीसाठा जमा झाला आहे.

हा ८० टक्के पाणीपुरवठा मुंबईकरांसाठी ३०० दिवस पुरेल इतका आहे. याठिकाणी मे अखेर पर्यंत पुरेल इतका पाणी पुरवठा उपलब्ध झाला आहे.10 टक्के पाणीकपात रद्द करण्याचा निर्णय मुंबई महापालिकेने आठवडाभर पुढे ढकलला आहे.

तलावांमधील पाणीसाठा

अप्पर वैतरणा - 140240 दशलक्ष लिटर

मोडकसागर - 128925 दशलक्ष लिटर

तानसा - 143769 दशलक्ष लिटर

मध्य वैतरणा - 187208 दशलक्ष लिटर

भातसा - 522032 दशलक्ष लिटर

विहार - 27658 दशलक्ष लिटर

तुळशी - 8046 दशलक्ष लिटर