मुंबईमध्ये सोमवारी झालेल्या अवकाळी पावसामुळे मोठी हानी झाली, याचवेळी घाटकोपरमध्ये भलमोठं होर्डिंग कोसळून मोठी दुर्घटना घडली. यामध्ये मोठ्या प्रमाणावर जीवीत आणि वित्त हानी झाली आहे. या दुर्घटनेत आत्तापर्यंत १६ जणांचा मृत्यू झाला आहे. तर ८८ जण जखमी झाल्याची माहिती आहे. या दुर्घटनेचा धक्कादायक व्हिडिओ समोर आला होता. त्यानंतर आता या घटनेचा दुसरा व्हिडीओ समोर आला आहे. अंगावर काटा आणणारा हा व्हिडीओ कॅमेऱ्यात कैद झाला आहे.
हे भलंमोठं होर्डिंग कोसळत असतानाच रस्त्यावरुन जाणाऱ्या कारमधील एका प्रवाशाने हा व्हिडीओ काढला आहे. या व्हिडीओमध्ये स्पष्ट दिसत आहे की, होर्डिंग कोसळतं तेव्हा अंगावर काटा उभा राहतो अशी थरारक दृश्ये या व्हिडीओमध्ये दिसतात. पेट्रोल पंपाशेजारुन कार जात असताना भलंमोठं होर्डिंग कोसळत असल्याचं कॅमेऱ्यात कैद झालं. हा एकूण १७ सेकंदांचा व्हिडीओ आहे.
दुर्घटना झालेले हे होर्डिंग अनधिकृतपणे त्या ठिकाणी लावण्यात आलं होतं. इतकंच नाही तर होर्डिंगसंदर्भात नोटीसही बजावण्यात आली होती. मात्र, होर्डिंग तसंच ठेवण्यात आलं होतं. सोमवारी अवकाळी पाऊस आणि वादळी वाऱ्यामुळे हे होर्डिंग कोसळून मोठी दुर्घटना घडली.
जानेवारी २०२४ मध्ये घाटकोपरच्या पंतनगर पोलिस ठाण्यात भिंडेवर बलात्काराचा गुन्हा दाखल झाला. आरोपपत्र दाखल झाले आहे. २००९ मध्ये भिंडेने अपक्ष उमेदवार म्हणून मुलंड विधानसभेची निवडणूक लढवली होती. तेव्हा त्याचे डिपॉझिट जप्त झाले. बेकायदा फलक लावल्याप्रकरणी आतापर्यंत त्याला पालिकेने २१ वेळा दंड ठोठावला आहे. धनादेश बाउन्सप्रकरणी दोन गुन्हे दाखल आहेत. होर्डिंग कोसळल्याच्या अपघातात ‘भादंवि’च्या संबंधित कलमानुसार गुन्हा दाखल झाला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.