डोंबिवली : एक्सप्रेस मध्ये महिलांसाठी आरक्षित डब्यात पुरुष प्रवासी चढत असून ते महिलांना बसण्यासाठी देखील जागा देत नसल्याची घटना पुष्पक एक्सप्रेस मध्ये घडली आहे. पुरुष प्रवाशांची अरेरावी पाहता महिलांनी आक्रमक पवित्रा घेत कल्याण आरपीएफ पोलिसांना मदतीसाठी एक मॅसेज केला.
पोलिसांनी देखील तत्परता दाखवीत कारवाई केली. आरपीएफ पोलीस गाडीत शिरताच पुरुषांनी पळ काढण्यास सुरवात केली. तर 5 जणांना पोलिसांनी ताब्यात घेतले. तक्रारींची वाट न पाहता पोलिसांनी केलेल्या कारवाई मुळे महिला प्रवाशांनी त्यांचे आभार मानले.
लखनऊहून मुंबईच्या दिशेला येणाऱ्या पुष्पक एक्सप्रेस मध्ये ही घटना घडली आहे. नाशिक ते कल्याण दरम्यान महिला आरक्षित डब्यात पुरुष प्रवाशांचा मोठ्या प्रमाणात प्रवास होत होता. पुरुष प्रवासी डब्यात तर चढलेच पण विशेष म्हणजे महिलांसाठी आरक्षित असलेल्या जागेवरती ते बसले. इतर महिलांना बसण्यास ते जागा देत नसल्याने संतप्त महिला प्रवासी व महिला प्रवासी संघटनेने आरपीएफ पोलिसांना तक्रार न देता मदतीचा मेसेज टाकला.
मॅसेज मिळताच कल्याण आरपीएफ महिला टीम पुष्पक एक्सप्रेस कल्याण स्टेशनवर पोहोचण्याआधीच तैनात झाली. गाडी कल्याण स्टेशनवर येतात महिला डब्यात शिरूर पुरुष प्रवाशांना धडा शिकवत त्यांना सामानासह डब्याच्या खाली उतरवले. आर पी एफ पोलिसांची ही कारवाई पाहताच डब्यात शिरलेले अनेक प्रवाशांनी महिला डब्यातून पळ काढला सध्या पोलिसांनी पाच प्रवाशांना ताब्यात घेत त्यांच्यावर कारवाई केली आहे.
ही घटना गुरुवारी रात्री नऊ ते साडेनऊच्या दरम्यान घडली असून पोलिसांनी मेसेजवर कारवाई केल्याने महिला प्रवासींकडून पोलिसांचे आभार व्यक्त केले जात आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.