मुंबई - बुधवारपासून मुंबईसह उपनगररात मुसळधार पावसाचा जोर गुरुवारची सकाळीपर्यत कायम होता. सखल भागांत पाणी साचले रस्ते जलमय झाल्याने रस्ते वाहतूक कासवगतीने सुरु होती तर रेल्वे वाहतुकीलाही पावसामुळे लेटमार्क लागला. मध्य रेल्वे आणि पश्चिम रेल्वेची वाहतूक १० ते १५ मिनिटे विलंबाने धावत होत्या. त्यामुळे प्रवाशांना कार्यालयात पोहचण्यासाठी लेटमार्क लागला आहेत.

मुंबई आणि उपनगरात सकाळी पावसाचा जोर वाढला. त्यामुळे मध्य आणि पश्चिम रेल्वे मार्गावरील लोकल सेवा धीम्या गतीने धावत होत्या. मध्य आणि हार्बर मार्गावरील लोकल गाड्या १० ते १५ मिनिटे उशिराने धावत होत्या. लोकल वाहतूक उशिराने धावत असल्याने रेल्वे स्थानकात प्रवाशांची काही प्रमाणात गर्दी रेल्वे स्थानकावर दिसून आली होती. मात्र ११ नंतर वाहतूक पूर्ववत झाली.

रस्त्यावर पावसामुळे वाहतूक मंदावली होती मात्र दुपारी पाऊस ओसरल्याने वाहतूक पूर्ववत झाली. मुसळधार पावसामुळे काही गाड्या रद्द करण्यात आलेल्या होत्या. पुणे-सीएसएमटी इंटरसिटी एक्स्प्रेस, पुणे-सीएसएमटी डेक्कन एक्स्प्रेस, पुणे-सीएसएमटी इंद्रायणी एक्स्प्रेस, सीएसएमटी-पुणे एक्स्प्रेस आणि सीएसएमटी-पुणे सिंहगड एक्स्प्रेस रद्द करण्यात आल्या आहे. तर अनेक मेल- एक्सप्रेस गाड्या विलंबाने धावत आहे.