Mumbai Local Late Due To Rain : मुंबईत रविवार पहाटे पावसाला सुरुवात झाली. या संसतधार पावसाचा परिणाम मुंबईच्या लोकल सेवेवर झाला आहे. मुंबईची लोकल सेवा उशिराने सुरु आहे.

पहिल्याच पावसाचा फटका मध्य रेल्वेला बसला असून जलद मार्गावरील लोकल सेवा उशिराने सुरु आहे. अप आणि डाऊन जलद मार्गावरील लोकल उशिराने धावत आहेत. आंबरनाथ दरम्यान सिग्नल यंत्रणेत बिघाड झाल्याने लोकल विस्कळित झाल्याचे सांगितले जात आहे.

मुंबई,ठाणे, कल्याण, कर्जत, कसारा भागात पहाटे पावसाच्या सरी बरसल्या. येत्या काही काळात मुंबई, ठाण्यात जोरदार पावसाची शक्यता हवामान विभागाने वर्तवली आहे.

पुढील 3-4 तास मुंबईत जोरदार पाऊस बरसण्याची अंदाज हवामान विभागाने व्यक्त केला आहे. मुंबई, ठाणे आणि रायगड परिसरात मध्य आणि मोठ्या सरी बरसण्याची शक्यता हवामान विभागाने वर्तवली आहे. यावेळी तशी ४०-५० किमी वेगाने वारे वाहण्याचा अंदाज असून विजेच्या कडकडाटसह पावसाचा अंदाज विभागाने वर्तवला आहे.याच बरोबर घराबाहेर पडताना काळजी घेण्याच हवामान खात्याचे आवाहन करण्यात आले आहे.