Mumbai Local News: मध्य रेल्वेच्या ठाणे स्थानकात पादचारी पुलावर पाच मीटर रुंद गर्डर टाकण्यासाठी शनिवार-रविवार (ता. १४ आणि १५) मध्यरात्री वाहतूक आणि पॉवर ब्लॉक घेण्यात येणार आहे. त्यामुळे लोकल वाहतुकीत बदल करण्यात येणार आहे
ठाणे स्थानकाच्या फलाट क्र. १ आणि २ वर पाच मीटर रुंद पादचारी पूल उभारण्यात येत आहे. त्याच्यावर चार गर्डर ठेवण्यासाठी मध्य रेल्वेने शनिवार आणि रविवारी रात्रकालिन वाहतूक आणि पॉवर ब्लॉक घेतला आहे.
हा ब्लॉक मुलुंड ते कळवा डाऊन धीम्या मार्गावर शनिवार रात्री १२.३० ते रविवारी पहाटे ५.३० वाजेपर्यंत असेल. ब्लॉक कालावधीत छत्रपती शिवाजी महाराज टर्मिनस (सीएसएमटी) येथून सुटण्याऱ्या डाऊन उपनगरीय लोकल मुलुंड आणि दिवा स्थानकांदरम्यान डाऊन जलद मार्गावरून धावतील. तसेच या लोकल ठाणे, कळवा आणि मुंब्रा स्थानकांवर थांबतील.
शनिवारी (ता. १४) रात्री ब्लॉकच्या आधी सीएसएमटीहून टिटवाळ्यासाठी शेवटची लोकल रात्री ११.१६ वाजता असेल. ही लोकल टिटवाळ्याला मध्यरात्री एक वाजता पोहोचेल; तर ब्लॉकनंतर टिटवाळ्यासाठी पहिली लोकल विद्याविहार येथून ५.११ ला सुटेल आणि टिटवाळ्याला ६.२३ वाजता पोहोचेल. त्यानंतरच्या अन्य लोकल वेळापत्रकानुसार धावतील, अशी माहिती मध्य रेल्वेतर्फे देण्यात आली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.