मुंबई : मध्य, पश्चिम आणि हार्बर मार्गावर रेल्वे मार्गाची दुरुस्ती, ओव्हरहेड वायरची देखभाल करण्यासाठी रविवारी, 27 डिसेंबर रोजी मेगाब्लॉक घेण्यात येणार आहे.
मध्य रेल्वे मार्गावरील माटुंगा ते मुलुंड स्थानकांदरम्यान अप आणि डाउन जलद मार्गावर सकाळी 10:30 ते दुपारी 3:30 पर्यंत ब्लॉक असणार आहे. ब्लॉक दरम्यान जलद मार्गावरील वाहतूक धिम्या मार्गावरुन चालविण्यात येतील. हार्बर मार्गावरील पनवेल ते वाशी स्थानकांदरम्यान अप आणि डाउन दाेन्ही मार्गावर सकाळी 11.05 ते दुपारी 4.05 वाजेपर्यंत दुरुस्ती केली जाणार आहे. परिणामी पनवेल ते वाशी, बेलापूर / नेरुळ ते खारकोपर वाहतूक बंद राहणार आहे. प्रवाशांच्या साेयीसाठी सीएसएमटी ते वाशी दरम्यान विशेष लाेकल चालविण्यात येतील.ट्रान्स हार्बर मार्गावरील ठाणे ते वाशी रेल्वे वाहतूक सुरु राहील.
पश्चिम रेल्वेवर रविवारी बोरिवली ते गोरेगाव दरम्यान अप आणि डाउन जलद मार्गावर जम्बो ब्लॉक घेण्यात आला आहे. सकाळी १०.३५ ते दुपारी ३.३५ वाजेपर्यत दुरुस्ती करण्यात येणार आहे. ब्लॉकदरम्यान जलद मार्गावरील वाहतूक धिम्या मार्गावरुन चालविण्यात येणार आहे.तसेच अप आणि डाउन मार्गावरील काही लाेकल गाड्या रद्द करण्यात आल्या आहेत.
Mumbai Local Trains Megablock on Central, West and Harbor Way on Sunday
--------------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.