Latest Mumbai Update: सोशल मीडियावर झटपट प्रसिद्ध मिळविण्यासाठी स्वतःचा जीव धोक्यात घालून धावत्या लोकलमध्ये दरवाज्यावर स्टंट करणाऱ्या तरुणांचा व्हिडीओ समाज माध्यमांवर व्हायरल झाला आहे. व्हिडीओ शिवडी रेल्वे स्थानकांतला असून व्हिडीओ वायरल होताच रेल्वे पोलिसांनी तरुणांविरोधात गुन्हा दाखल केला आहे. सध्या रेल्वे पोलिसांकडून स्टंट करणाऱ्या तरुणांचा शोध सुरू केला आहे.

धावत्या लोकलवरील दरवाज्यावर उभे राहून स्टंट करणाऱ्या तरुणाची संख्या दिवसेदिवस वाढत चाली आहे. यामध्ये मध्य रेल्वेत लोकलमध्ये स्टंटबाजांनी धुमाकूळ घातला आहे. स्वतःचा जीव धोक्यात घालत इतर प्रवाशांना त्रास देणाऱ्या टवाळखोरांविरुद्ध् आरपीएफने यापूर्वी कारवाई केली होती. मात्र, त्यानंतर पुन्हा आता स्टंटबाजानी डोके वर काढल्याची घटना रविवारी शिवडी स्थानकात उघडकीस आली.

रविवारी दुपारी १२ वाजण्याच्या सुमारास हार्बर मार्गावरील शिवडी स्थानकात सीएसएमटीहून पनवेलच्या दिशेने जाणाऱ्या लोकलमध्ये एक तरुण लोकलच्या दरवाज्याला लटकून प्लॅटफॉर्म संपेपर्यंत एक युवक पाय घासत स्टंट करताना आढळला.

तरुणांचा हा स्टंटन बघून एका प्रवाशांनी याबाबतचा व्हिडिओ आपल्या मोबाईलमध्ये कैद केला. त्यानंतर तरुणांचा स्टंटच्या सदर व्हिडिओ सोशल मीडियावर व्हायरल करण्यात आला. व्हिडीओ वायरल होताच मध्य रेल्वेच्या वडाळा आरपीएफ पोलिसांनी व्हिडीओची दखल घेतली असून संबंधित तरुणाविरोधात गुन्हा नोंदविण्याचे निर्देश देण्यात आले आहे. सध्या तरुणांचा शोध सुरू असून त्यावर आवश्यक कारवाई केली जाणार असल्याची माहिती मध्य रेल्वेने दिली आहे.