ठाणे लोकसभेवरून शिवसेना आणि भाजपकडून दावे प्रतिदावे सुरु होते. अशातच ही जागा आता शिवसेना शिंदे गटाच्या पारड्यात पडली आहे. ठाण्यातून नरेश म्हस्के यांना संधी देण्यात आली आहे. तर कल्याणमधून मुख्यमंत्री एकनाथ शिंदे यांचे सुपुत्र श्रीकांत शिंदे यांना उमेदवारी जाहीर करण्यात आली आहे.
ठाणे लोकसभा मतदारसंघाच्या निवडणूक प्रक्रियेला आधीत सुरूवात झाली असली तरी देखील महायुतीने या जागांवर आपले उमेदवार दिलेले नव्हते. आज त्या नावांची आज घोषणा झाली आहे. उमेदवारी अर्ज भरण्याच्या प्रक्रिया सुरू झाल्यानंतर काही इच्छुक उमेदवारांनी उमेदवारी अर्ज घेतल्याच्या देखील चर्चा सुरू होत्या. मात्र, त्यापैकी कोणत्याही नेत्याला उमेदवारी मिळाली नाही, ठाण्यातून नरेश म्हस्के यांना तर कल्याणमधून श्रीकांत शिंदे यांना उमेदवारी देण्यात आली आहे.
राज्यात दोन वर्षांपूर्वी शिवसेनेतील फुटीनंतर झालेल्या सत्तांतरात एकनाथ शिंदे मुख्यमंत्री झाले आणि त्यांचे पुत्र असलेल्या श्रीकांत शिंदे यांना मोठे महत्व प्राप्त झाले. दरम्यान शिवसेनेच्या फुटीनंतर ताकत राखणे ही या दोन्ही गटांची प्राथमिकता राहणार आहे.
ठाणे लोकसभा मतदारसंघावर सुरुवातीपासूनच भाजपने आपला दावा करत इच्छुकांची यादीही पुढे केली होती. मात्र शिवसेना शिंदे गटाने हा मतदारसंघ आपला असल्याने त्यांनीही जागा सोडण्यास नकार दिला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.