मुंबई - मुंबई महानगरपालिकेच्या अर्थसंकल्पात यंदाच्या वर्षाच्या अर्थसंकल्पात विशेष तरतूद असणार आहे. मुंबईकरांना महानगरपालिकेकडून देण्यात येणाऱ्या सेवांसाठी प्रोत्साहन देण्यासाठीची तरतूद अर्थसंकल्पात करणे अपेक्षित आहे. पालिकेच्या स्माईल काऊंसिलच्या माध्यमातून विविध संशोधन आणि विकास प्रकल्प राबवण्यात येतात. या प्रकल्पांना पाठबळ देण्यासाठी मुंबई महानगरपालिकेच्या माध्यमातून स्टार्ट अप मॉडेलला चालना देण्यात येते.

मुंबई महानगरपालिकेच्या माध्यमातून स्टार्ट अप मॉडेलमध्ये आतापर्यंत वैद्यकीय क्षेत्र आणि घनकचरा व्यवस्थापन विभागासाठीचे मॉडेल राबवण्यात येत आहे. त्याअंतर्गत रोबोटिक हॅण्ड, जिनोम सिक्वेन्सिंग, डायबेटिक फूट यासारख्या स्टार्ट अप सोल्यूशनच्या माध्यमातून विविध उत्पादने देण्यात आली आहेत. येणाऱ्या काळात नागरिकांच्या सेवेबाबत आणखी सोल्यूशन देण्याचा पालिकेचा मानस आहे. त्यामध्ये वेस्ट टू एनर्जी तसेच बायोगॅस यासारख्या प्रकल्पाच्या माध्यमातून आणखी सेवा देण्याचा पालिकेचा मानस आहे.

पालिकेकडून तंत्रज्ञानावर आधारीत आणखी सेवा देण्यासाठीची तरतूद आगामी अर्थसंकल्पात होणे अपेक्षित आहे. त्यामध्ये अत्याधुनिक तंत्रज्ञानाच्या माध्यमातून नाविण्यपूर्ण सोल्यूशन देण्याचा पालिकेचा मानस आहे. आर्टिफिशिअल इंटेलिजन्स तसेच नाविण्यपूर्ण तंत्रज्ञानाचा समावेश आगामी प्रकल्पात असणार आहे.