मुंबई - जुहू चौपाटी समुद्रात बुडून तीन मुलांचा मृत्यू झाल्यानंतर मुंबई महापालिकेने आता समुद्र किनारी व चौपाट्यांवरील सुरक्षा वाढविली आहे. अतिउत्साही पर्यटकांमुळे होणाऱ्या दुर्घटना रोखण्यासाठी आता सहा समुद्र चौपाट्यांवर १२० जीवरक्षकांचा वॉच असणार आहे.

सध्या चौपाट्यांवर ९४ जीवरक्षक असून यात २६ जीवरक्षक वाढविले असल्याची अशी माहिती पालिकेचे अतिरिक्त आयुक्त डॉ. सुधाकर शिंदे यांनी दिली.

मुंबईतील सहा चौपाट्यांच्या ठिकाणी १२० प्रशिक्षित जीवरक्षकांची नेमणूक करण्याचे निर्देश पालिका आयुक्त डॉ. इकबाल सिंह चहल आणि अतिरिक्त आयुक्त (पश्चिम उपनगरे) डॉ. सुधाकर शिंदे यांनी दिले आहेत. गिरगाव, दादर, जुहू, वर्सोवा, आक्सा आणि गोराई या चौपाटीच्या ठिकाणी सकाळी ८ ते दुपारी ४ वाजेदरम्यान ६० प्रशिक्षित सुरक्षा रक्षक, दुपारी ३ ते रात्री ११ वाजेदरम्यान ६० प्रशिक्षित सुरक्षा रक्षक कार्यरत असतील.

मुंबईला १४५ किलोमीटर लांबीचा अरबी समुद्राचा किनारा लाभला आहे. हा समुद्र किनारा आहे. कुलाबा येथे सुरू होऊन गोराई आणि तेथून पुढे मुंबई महानगर प्रदेशात पसरलेला आहे.

यापैकी गिरगाव आणि दादर चौपाटी शहर विभागामध्ये तर जुहू, वर्सोवा, आक्सा आणि गोराई या चौपाटी पश्चिम उपनगरात आहेत. चौपाटी व समुद्र किनारी येणारे पर्यटक मुंबई महापालिकेच्या सूचनेकडे दुर्लक्ष करतात आणि

दोन सत्रात गस्त

सहा चौपाट्यांवर सकाळी ८ ते दुपारी ४ वाजेदरम्यान ६० प्रशिक्षित जीवरक्षक आणि दुपारी ३ ते रात्री ११ वाजेदरम्यान ६० प्रशिक्षित जीवरक्षक कार्यरत असतील.