मुंबई : मुंबई पोलिसांनी बुधवारी एका 45 वर्षीय शेअर ब्रोकरला अटक केली आहे. जतिन सुरेशभाई मेहता असे आरोपी शेअर ब्रोकरचे नाव आहे. या आरोपीने 3 महिन्यांत अवैधरित्या शेअर ब्रोकिंग करून सुमारे 4672 कोटी रुपयांचे व्यवहार केल्याचा आरोप आहे. तपासादरम्यान आरोपी जतीन सुरेशभाई मेहता 1.95 कोटी रुपयांपेक्षा जास्त किमतीचे कर आणि शुल्क न भरून सरकारची फसवणूक केल्याचे समोर आले आहे.
आरोपी मेहता स्टॉक एक्स्चेंजचा कोणताही वैध परवाना नसताना 'मूडी' नावाच्या अॅप्लिकेशनच्या मदतीने अवैधरीत्या शेअर ब्रोकिंग करत होता. या शेअर ब्रोकरची मुंबई गुन्हे शाखेला माहिती मिळाली होती.
त्यानुसार गुन्हे शाखेच्या पथकाने नॅशनल स्टॉक एक्स्चेंज आणि मल्टी कमोडिटी एक्स्चेंजच्या अधिकाऱ्यांच्या पथकासह कांदिवली भागातील महावीर नगर येथील शेअर ब्रोकरच्या कार्यालयावर छापा टाकला आणि आरोपीला अटक करण्यात आली आहे.
पोलिसांनी कार्यालयातून 50 हजार रुपये रोख, पाच मोबाईल फोन, एक लॅपटॉप, एक टॅब, एक पेपर श्रेडर आणि काही महत्त्वाच्या कागदपत्रांसह एक पेन ड्राइव्ह जप्त केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.