गॅस सिलेंडरच्या स्फोटाने मुंबईतील लालबाग परिसर हादरला आहे. आज पहाटे घडलेल्या या दुर्घटनेत ४ जण गंभीर जखमी झाले आहेत. या जखमींपैकी एकाची प्रकृती गंभीर असल्याची माहिती मिळाली आहे. दरम्यान या चारही जखमींवर वेगवेगळ्या रुग्णालयामध्ये उपचार सुरू आहेत.

दरम्यान ही सिलिंडर स्फोटाची घटना लालबागच्या डॉ. एस. एस राव मार्गावरील मेघवाडीतील इमारत नंबर 3 मध्ये घडली आगे. या इमारतीतील राणे यांच्या घरात पहाटे 5 वाजण्याच्या सुमारास गॅस सिलिंडरचा स्फोट झाला. त्यानंतर त्यांच्या घराला आग लागली. यात राणेंच्या घरातील साहित्य, कपडे जळून खाक झाले, तर चौघे जण जखमी झाले आहेत.

गॅस सिलिंडरच्या स्फोटामध्ये स्फोटात जखमी झालेल्यांमध्ये कुंदा मिलिंद राणे (४८ वर्षे), अथर्व मिलिंद राणे (१० वर्षे), वैष्णवी मिलिंद राणे (१० वर्षे) आणि वैष्णवी मिलिंद राणे (१० वर्षे) यांचा समावेश आहे.

यात कुंदा यांना 70 ते 80 टक्के भाजले आहे, तर अनिकेत विलास डिचवलकर 60 ते 70 टक्के भाजला आहे. राणे यांची मुले अथर्व आणि वैष्णवी यांना 15-20 टक्के भाजले आहे.

दरम्यान स्फोटातील जखमी कुंदा राणे आणि त्यांच्या दोन्ही मुलांना कस्तुरबा रुग्णालयात दाखल केले असून, त्यांच्यावर तेथे उपचार सुरू आहेत. दुसरीकडे अनिकेत डिचवलकरवर या तरुणाला मसीना रुग्णालयात दाखल करण्यात आले आहे.

दरम्यान या स्फोटाची माहिती मिळाल्यानंतर लगेचच अग्निशमन दलाने घटनास्थळी धाव घेत स्फोटानंतर लागलेली आग आटोक्यात आणली.