मुंबई, : पश्चिम रेल्वे आणि हार्बर मार्गावर तांत्रिक बिघडाच्या घटनेमुळे मंगळवारी सकाळीपासुन लोकल सेवा विस्कळीत झाली होती. या घटनेमुळे लोकल सेवांचा वेळापत्रकांवर परिणाम पडला असून प्रवाशांचे प्रचंड हला झाले आहे.

मिळालेल्या माहितीनुसार,मंगळवारी सकाळी ७.३० वाजण्याच्या सुमारास पश्चिम रेल्वे मार्गावर तांत्रिक बिघाड झाला. त्यामुळे चर्चगेट ते विरार दरम्यानची लोकलची वाहतूक विस्कळीत झाली होती. अनेक लोकल सेवा १५ ते २० मिनिटे उशिराने धावत होत्या. त्यामुळे मुंबईकरांना लोकल गर्दीचा सामना करावा लागला होता

तर, हार्बर मार्गांवर देखील वडाळा रेल्वे सिग्नल बिघाड झाला होता. मंगळवारी सकाळी साडे सात ते आठ वाजण्याच्या सुमारास हा बिघाड झाल्याने सीएसएमटी कडे जाणारी लोकल वाहतुकीचे तीनतेरा वाजले. या बिघाडामुळे सीएसएमटीकडे जाणाऱ्या लोकल सेवा ठप्प झाली होती.

त्यामुळे एकामागेएक लोकल सेवा खोळंबल्यामुळे प्रवाशांचे प्रचंड हाल झाले आहे. या घटनेची माहिती मिळताच रेल्वेचे अभियांत्रिकी पथक घटना स्थळी पोहचून काही कालावधीतच हा बिघाडा दुरुस्त करण्यात आला.