ISRO Moon Mission : चांद्रयान-3 मोहीम यशस्वीपणे पार पाडून भारताने नवीन विक्रम केला आहे. चंद्राच्या दक्षिण ध्रुवाजवळ सॉफ्ट लँडिंग करणारा भारत हा पहिलाच देश ठरला आहे. या यशाबद्दल इस्रो आणि भारताचं जगभरातून कौतुक होत आहे. मुंबई पोलिसांनी देखील आपल्या खास शैलीमध्ये इस्रोचं कौतुक केलं आहे.
मुंबई पोलिसांनी आपल्या अधिकृत एक्स (ट्विटर) हँडलवर हा व्हिडिओ पोस्ट केला आहे. यामध्ये पोलिसांच्या 'खाकी स्टुडिओ' बँड पथकाने इस्रोच्या वैज्ञानिकांना एका गाण्याच्या माध्यमातून ट्रिब्युट दिलं आहे.
"मोठ्या अचीव्हमेंटसाठी मोठं ट्रिब्युट! आम्ही आमच्या भावना सध्या शब्दांमध्ये मांडू शकत नाही, त्यामुळे आम्ही संगीताचं माध्यम वापरत आहोत. एवढी मोठी कामगिरी पार पाडल्याबद्दल, मुंबई पोलीस बँड - खाकी स्टुडिओचं इस्रोला हे ग्रँड ट्रिब्यूट! आम्हाला तुम्हा सगळ्यांचा अभिमान आहे!" अशा आशयाची पोस्ट मुंबई पोलिसांनी केली आहे.
24 ऑगस्टला पोस्ट करण्यात आलेल्या या व्हिडिओला दहा हजारांहून अधिक व्ह्यूज मिळाले आहेत. एक्स यूजर्स मोठ्या प्रमाणात या व्हिडिओवर कमेंट करुन मुंबई पोलिसांचं कौतुक करत आहेत.
पोलीस बँडच्या माध्यमातून पोलीस अधिकाऱ्यांचे सुप्त गुण समोर येत आहेत. आपल्या कामासोबतच ते इथेही कमी नाहीत; असं एका यूजरने म्हटलं आहे. तर हे अतिशय सुंदर ट्रिब्युट असल्याचंही कित्येक यूजर्सनी म्हटलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.