रोहिणी गोसावी : सकाळ वृत्तसेवा

मुंबई : मुंबईच्या महापौरांविरोधात (Mumbai Mayor) आक्षेपार्ह शब्द (Offensive statement) वापरल्यानं भाजपचे नेते आशिष शेलार (BJP Ashish Shelar) यांच्यावर गुन्हा दाखल (Police FIR) करण्यात आला आहे. मुंबईच्या नरिमन पॉईंट पोलीस स्टेशनमध्ये (Narimon Point police station) गुन्हा दाखल करण्यात आला आहे.

भाजपचे नेते आशिष शेलार यांनी एका पत्रकार परिषदेत बोलताना महापौरांबद्दल आक्षेपार्ह शब्द वापरला होता, त्यांच्याविरोधात कारवाई करण्यात यावी असं निवेदन काल शिवसेनेच्या नगरसेविकांनी मुंबई पोलीस आ़युक्तांना दिलं होतं तसंच महापौर किशोरी पेडणेकर यंनी गृहमंत्र्यांकडे तक्रारही केली होती. त्यावरुन भा द वीच्या कलम 354 अ (4) आणि 506 अन्वये गुन्हा दाखल करण्यात आला आहे.

गेल्या आठवड्यात वरळीला एका घरात गॅस सिलेंडरचा स्फोट झाला होता, त्यानंतर जवळपास तीन दिवसांनी महापौर रुग्णालयात त्यांची भेट घेण्यासाठी गेल्या होत्या. त्यावरुन आशिष शेलार यांनी महापौरांच्या विरोधात आक्षेपार्ह शब्द वापरला होता.