Mumbai Pollution: मुंबईतील हवेची गुणवत्ता किंचित सुधारली असून हवा गुणवत्ता निर्देशांक १७४ सह मध्यम नोंदवण्यात आला आहे. असे असले तरी मालाड, बीकेसी आणि मुंबईला लागून असलेल्या नवी मुंबईत हवेची स्थिती वाईट आहे.

सफर संस्थेने दिलेल्या माहितीनुसार बीकेसी, मालाडमधील हवेची गुणवत्ता अद्याप सुधारलेली नाही. तेथील प्रदूषण अद्याप कायम आहे. बीकेसी २५७ , मालाड २७४ एक्यूआयची नोंद झाली आहे. येथील हवेची स्थिती खराब असून, तेथे हवा गुणवत्ता निर्देशांक वाईट नोंदवला आहे.

मुंबईला लागून असलेल्या नवी मुंबईतही प्रदूषण वाढलेले आहे. तेथे २२७ एक्यूआयची नोंद झाली आहे. मुंबईतील बीकेसी आणि मालाड परिसर वगळता इतर परिसरातील हवेची गुणवत्ता काहीशी सुधारली आहे.

बरेच दिवस रेड झोनमध्ये असणाऱ्या चेंबूरमधील हवा गुणवत्ताही सुधारली आहे. तेथील एक्यूआय १६८ पर्यंत खाली आला आहे. तर भांडुप ११३, कुलाबा १३४, माझगाव १७४, वरळी १३६, बोरिवली १७०, अंधेरी १३३ एक्यूआयसह येथील हवा गुणवत्ता निर्देशांक मध्यम नोंदवण्यात आला आहे.