Mumbai Rain : मुंबईकरांना हवामान खात्यानं सावधानतेचा इशारा दिला आहे. त्यानुसार, येत्या ७२ तासांत मुसळधार पावसाचा अंदाज वर्तवण्यात आला आहे. त्यानुसार, या काळात ३०० मिलिमीटरहून अधिक इतका प्रचंड पाऊस नोंदवला जाण्याची शक्यता आहे.

येत्या काही तासांत मुंबईत सातत्यानं मुसळधार पावसाचा अंदाजही व्यक्त करण्यात आला आहे. दक्षिण मुंबईतील दादर भागात सर्वाधिक पावसाचा अंदाज आहे. काही तासांत १०० मिलीमीटर पाऊस पडू शकतो, असं मुंबई नाऊकास्टनं म्हटलं आहे.