मुंबई : मुंबईमध्ये कोरोना ( Corona Cases In Mumbai ) रूग्ण बरे होण्याच्या टक्केवरीत वाढ नोंदविण्यात आली आहे. त्यामुळे प्रशासनसह नागरिकांना काहिसा दिलासा मिळाला आहे. दरम्यान, मुंबईत गेल्या 24 तासांत 1,312 नव्या कोरोना रूग्णांची नोंद करण्यात आली आहे, तर 10 जणांचा कोरोनामुळे मृत्यू झाला आहे. (Mumbai Latest Corona Update In Marathi )

मागील 24 तासांत मुंबई 1 हजार 312 नवे कोरोना (Corona) रुग्ण आढळून आले असून, 24 तासांत तब्बल 4 हजार 990 जणांनी कोरोनावर मात केली आहे. (Active Corona Cases In Mumbai) सध्या मुंबईचा रूग्ण बरे होण्याचा रेटमध्ये एक टक्क्याने वाढ झाली असून हा रेट 97 टक्के इतका नोंदविण्यात आला आहे. सद्यस्थितीला मुंबईत 14 हजार 344 सक्रिय कोरोनारुग्ण आहेत.कोरोनामुळे मृत्यू पावलेल्यांची संख्या 16 हजार 591 इतकी झाली आहे.

दरम्यान, ओमिक्रॉन (Omicron Variant) व्हेरिएंटमुळे काही दिवासांपूर्वी राज्यात आणि मुंबईमध्ये कोरोना बाधितांच्या संख्येत झपाट्याने वाढ नोंदविण्यात येत होती. एकट्या मुंबईमध्ये ही संख्या 20 हजारांपुढे नोंदविण्यात येत होती. त्यामुळे प्रशासनासह नागरिकांच्या चिंतेत भर पडली होती. तसेच रूग्णसंख्या आटोक्यात आणण्यासाठी राज्य सरकार आणि मुंबई महापालिकेकडून काही निर्बंध (Covid 19 restriction In Mumbai) लागू करण्यात आले होते. दरम्यान, आता नव्या बाधितांपेक्षा कोरोनामुक्त होण्याऱ्यांची संख्या वाढत असल्याने प्रशासनासह नागरिकांनी सुटकेचा निश्वास सोडला आहे.