मुंबई: गेल्या महिना भरापासून इंधन आणि गॅस सिलेंडरच्या दरवाढ मोठ्या प्रमाणात होत आहे. त्यामुळे सर्व सामान्य जनता महागाईच्या आगीत होरपळत आहे. केंद्र सरकारकडे तक्रार करून सुद्धा दुर्लक्ष केले जात असल्याने सरकारचे लक्ष वेधण्यासाठी काल राष्ट्रवादी काँग्रेस पक्षाच्या महिला आघाडीच्यावतीने भिवंडीत विरोधात आंदोलन करण्यात आले. 

महिला शहरध्यक्ष स्वाती कांबळे, राष्ट्रवादी काँग्रेसचे नेते जावेद फारूकी, समीर पटेल, आसिफ खान यांच्या सह कार्यकर्त्यांनी चुलीवर भाकरी आणि पोहे बनवून आंदोलन केलं आहे. देशात दिवसेंदिवस महागाईचा भडका वाढू लागला आहे. केंद्र सरकारचे यावर कोणतेच नियंत्रण नाही. सिलेंडरच्या दरात देखील वाढ होत असल्याने महिलांचं घरातील किचनमधील बजेट कोलमडलं आहे.

मुंबई विभागातल्या ताज्या बातम्या वाचण्यासाठी येथे क्लिक करा.

महिलांवर येत्या दिवसात चुलीवर जेवण बनवण्याशिवाय पर्याय नाही. त्यामुळे भाजपचे अच्छे दिन नको म्हणत जुने दिवस पुन्हा आणा अशा घोषणा या दरम्यान देण्यात आल्या. यावेळी भाजप सरकार विरोधात प्रचंड रोष व्यक्त करण्यात आला आहे. 

आंदोलना दरम्यान बनवण्यात आलेल्या जेवणाचा आस्वाद देखील कार्यकर्त्यांनी घेतला आहे. भाजपच्या या धोरणामुळे नागरिकांचे वाईट दिवस आले असून येत्या काही दिवसात भीक मागण्याची वेळ येणार अशा आरोप आंदोलनात करण्यात आला आहे.

हेही वाचा- मुंबईकर घेतायत सुखद गारव्याचा आनंद, किमान तापमानात घट

--------------------------------

(संपादन- पूजा विचारे)

Nationalist Congress Party Bhiwandi protest against cylinder price hike