Belapur Railway Accident: मुंबई सह उपनगरामध्ये काल रात्रीपासून मुसळधार पाऊस सुरू झाला आहे. याचबरोबर ठाणे नवी मुंबई पट्ट्यांमध्ये देखील पावसाचा जोर कायम आहे. पडत असलेल्या धुवाधार पावसामुळे मुंबईची लाईफ लाईन विस्कळीत झाली आहे. यातच आता नवी मुंबईच्या बेलापूर रेल्वे स्थानकातून एक वाईट बातमी समोर आली आहे. ती म्हणजे बेलापूर स्थानकावर गर्दीमुळे रेल्वे ट्रॅकवर महिला पडली आणि यावेळी गाडीखाली आल्याने तिचे दोन पाय निकामी झाले आहेत.

आधीक माहीती अशी की, पनवेल वरून ठाण्याकडे जाणारी लोकल सकाळी नऊच्या दरम्यान बेलापूर सीबीडी रेल्वे स्टेशन येताना एक महिला पाय घसरून रुळावर पडली. तिच्या अंगावर रेल्वेचा पहिला महिला डब्बा गेला. त्यामूळे प्रवाशी आणि रेल्वे प्रशासनाची तारांबळ उडाली. मात्र रेल्वे आणि पोलिस प्रशासनाने काही वेळात रेल्वे मागे घेऊन तिचा जीव वाचवला. पण महिलेचे दोन्ही पाय वाचू शकले नाही.