महायुतीचा धर्म आम्ही पळणार, आमचे दैवत हे अजित पवार आहेत आणि त्यांनी दिलेला प्रत्येक शब्द हा आम्ही पाळणारच त्यामुळे, बदलापूर शहरातून भिवंडी लोकसभेचे उमेदवार कपिल पाटील यांना निवडून देण्यासाठी राष्ट्रवादीचा प्रत्येक कार्यकर्ता हा घरोघरी पोहचून प्रचार करणार, असा शब्द राष्ट्रवादी काँग्रेस पक्षाचे महाराष्ट्र प्रदेश सरचिटणीस कॅप्टन आशिष दामले यांनी कपिल पाटील यांना दिला.
काल ता. २० रोजी बदलापूर पूर्व जान्हवी लॉन्स येथे आशिष दामले व शहराध्यक्ष प्रभाकर पाटील यांच्या नेतृत्वाखाली व कपिल पाटील यांच्या उपस्थितीत राष्ट्रवादी काँग्रेस पक्षाच्या कार्यकर्ता व पदाधिकारी यांचा भव्य मेळावा पार पडला. यावेळी मेळाव्याला हजारो कार्यकर्ते पदाधिकारी उपस्थित होते. मुख्य म्हणजे ही उपस्थिती पाहून असा मेळावा शहरात झाला नाही अशी स्तुती खुद्द उमेदवार कपिल पाटील यांनी केली.
राज्यात महायुतीच्या सत्तेत उपमुख्यमंत्री आणि अर्थ खाते सांभाळत असल्यापासून राज्यात खूप महत्त्वाचे निर्णय अजित दादांनी घेतले. मुळात मेळाव्यात येत असताना मला आणि आमदार किसन कथोरे यांना आम्ही आमच्या जुन्या घरात येत आहोत अशीच जाणीव झाली. असे कपिल पाटील यांनी म्हंटले.
अजित पवार यांचे रोखठोक व्यक्तिमत्त्व व दिलेला शब्द पाळणे हा स्वभाव यामुळे त्यांनी आपला पक्ष बळकट केला आहे. त्यांच्या ऊर्जेमुळे त्यांच्या तरुण तडफदार कार्यकर्त्यांना देखील तेवढीच ऊर्जा मिळते असे म्हणत त्यांनी या मेळाव्याचे आयोजन करणाऱ्या आशिष दामले यांचे कौतुक केले. लोकसभा निवडणुकीच्या पार्श्वभूमीवर ही गर्दी, हा उत्साह म्हणजे विजयाची नांदी आहे. हे पाहून विरोधकांचे बूथ उभेच राहणार नाहीत असे वाटत असल्याचे कपिल पाटील यांनी म्हंटले.
कपिल पाटील यांना तिसऱ्यांदा या मतदारसंघाची उमेदवारी मिळाल्यानंतर मला अजितदादांनी संपर्क करुन भेटायला बोलावले व आपण महायुतीचा धर्म पाळून कपिल पाटील यांच्या प्रचारासाठी सहकार्य करण्याच्या सूचना आपल्याला केल्या. त्यामुळे लोकसभा निवडणुकीसाठी, आमचे सगळेच पदाधिकारी व कार्यकर्ते कपिल पाटील यांच्या प्रचारासाठी काम करतील.
मात्र येणाऱ्या स्थानिक संस्थांच्या निवडणुकी वेळी राष्ट्रवादी काँग्रेस पक्षाच्या पाठी आपण देखील उभे राहावे अशी अपेक्षा दामले यांनी कपिल पाटील व आमदार किसन कथोरे यांच्याकडे व्यक्त केली. कालच्या या मेळाव्यात असलेली उपस्थिती ही आत्तापर्यंतच्या बदलापुरात झालेल्या सगळ्या मेळाव्यांपेक्षा कैक पटीने होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.